09 апр 2016 08:43Тоҷикистон / Иҷтимоӣ / Муҳоҷир

Дар Русия ба сари муҳоҷири тоҷик се тир холӣ кардаанд (НАВШУДА)

Ба сари як шаҳрванди Тоҷикистон дар Русия аз таппончаи пневматикӣ тир холӣ кардаанд.

Бино ба иттилои расонаҳои русӣ, ин воқеа шоми рӯзи гузашта (8 апрел) дар стансияи метрои Калужская ба вуқӯъ пайвастааст. Аз ҷабрдида, ки дар ҳолати вазнин ба беморхона бурда шудааст, Сулаймон Саидов ном мебаранд. Сабаби ин ҳамларо баҳси лафзии Сулаймон бо як фарди номаълум мегӯянд, ки талош кардааст, муҳоҷиронро аз вагони метро берун кунад.

Расонаҳо мегӯянд, марде бо чеҳраи славянӣ ду муҳоҷири тоҷикро, ки дар метро нишастаанд, таҳқир намуда, баъдан хостааст онҳоро аз вагон берун кунад. Вақте он мард Муҳаммадҷон Ҳакимови 19-соларо таҳқир кардааст, Сулаймон Саидов талош карда, ӯро ором созад, аммо дар ҷавоб ба сараш тир хӯрдааст: “Муҳаммадҷон аз тарс фирор кардааст. Ҳамлагар боз ду тири дигар ба сари Сулаймон холӣ кардааст”.

Бино ба иттилои LifeNews, муттаҳам дар анҷоми ин амал боздошт шуда, аз сӯи муфатишони Кумитаи тафтишотӣ бозпурсӣ мешавад. Ин расона аз дастгиршуда Сергей Ц, ном бурда гуфтааст, дар наздикиҳои стансияи “Калужская” манзил доштааст.

Сарвар Бахтӣ, сухангӯи сафорати Тоҷикистон дар Русия имрӯз, 9 апрел ба “Озодагон” гуфт, вазъият зери назорати ҷиддии онҳо қарор дорад. Ба қавли ӯ, кормандони сафорат дар ҳамкорӣ бо намояндагии Вазорати меҳнат, шуғли аҳолӣ ва муҳоҷирати Тоҷикистон ба беморхонае, Сулаймон бистарӣ аст, рафта, бо хешовандони ӯ мулоқот кардаанд: “Инчунин кормандони мо бо намояндагони мақомоти тафтишотие, ки ин парвандаро таҳқиқ менамоянд, мулоқот анҷом доданд”.

Сарвар Бахтӣ мегӯяд, Сулаймон Саидов 28 сол дошта, зодаи ноҳияи Восеъ мебошад.

Дар акс Сулаймон Саидов

Мӯҳр

Хабарҳои монанд:

Muhammadjon

BEINSOF!

БЕИНСОФ

Ҷавоб диҳед Иқтибос Шикоят

Кухистони

Бародарон бояд ягон чорае фикр кард ва вазъияти дохилро ба эътидор оварда дигар ба Россия наравем. Чаро хукуматдорони мо номус намекунанд? Хаминкадар шахрвандони моро такир мекунанду мекушанд, ягон амале аз онхо намебарояд. Бовар кунед аз тахкиркунию паст задани руссхо маро номусам мебиёяд чаро хукуматдоронро не. То ба кай барои нафс шуда чони хазорон мазлумро дар хатар мемонед. О мо мехохем, ки дар ватан зиндагию кор кунем. Вакти андеша кардан омадааст дустон. Чи бояд кард андеша кунед. Озодагон бе кайчи илтимос ин фикри ман.

Ҷавоб диҳед Иқтибос Шикоят

эрач

Кухистони, Рост гуфти бародар ,калоншавандахо хама дар гами кисаи худашон,Кай парвои ин мухочири тирхурда доранд..

Ҷавоб диҳед Иқтибос Шикоят

Сангак

Русхо хеч вакту замон дусти точикон набуданд ва нахоханд шуд. Агар ягон миллати дигар мебуд холо ба русхо чавоб мегуфтанд на точик ва точикистони. Хама беномус шудааст.

Ҷавоб диҳед Иқтибос Шикоят

Ахмад

Бародарон, эхтиет кунед. Дар холе ки телевизион ва радио шабу руз "исломихо", "мухочирон" ва "мусофирон" -ро хадафи асосии фаъолияти худ карор додаанд, мардуми русия "захролуда ва кахролуд" гаштаанд. ТАНХО набошед, ШАБХО нагардед, ба забони русй харф занед. Хукуматдорони мо бо корхои давлатй банд хастанд. Конунхои зиед, барномахои зиед, ташкилихои зиед доранд. МАРДУМ, худатонро эхтиет кунед, факат аз худо пинхонй ва сидкан мадад чуед.

Ҷавоб диҳед Иқтибос Шикоят

Эзоҳ илова кунед