Боридани барф дар Душанбе ғайриинтизор набуд

Барфе, ки имрӯз борид, ба фаъолияти кории фурудгоҳи байналмилалии Душанбе халал нарасонидааст.

---

Тавре ба «Озодагон» аз маркази матбуотии ин муассиса иттилоъ доданд, ба боридани барф нигоҳ накарда ҳавопаймоҳо пайи ҳам бо моеъи зиддияхбандӣ коркард шуда, барои парвоз омода мешаванд. Сард шудани ҳаво ва боридани барф барои кормандони техникии фурудгоҳи Душанбе ногаҳонӣ набуд. Хадамоти обуҳавосанҷӣ боридани барфро пешгӯӣ кард. Аз инҷост, ки кормандони хадамоти хизматрасонии рӯйизаминии фурудгоҳ таҷҳизот ва мошинҳои махсуси дар ихтиёрдоштаро пешакӣ дар хати омодабош қарор доданд.

Манбаъ афзуд, аз рўи барномаи таҳияшудаи омодагӣ ба давраи тирамоҳу зимистони солҳои 2011-2012 соли ҷорӣ аз ҷумҳурии Чин 20 адад таҷҳизот ва техникаи махсус харидорӣ карда шуд. Мошинҳои махсус аз қабили агрегати сайёри аэродромӣ, мошинҳои махсуси аз барфу ях тозакунандаи «Donfeng» ва «Sinatruk», мошинҳои барфрӯб, автозинаҳо, автобуси перронии «Неоплан», мошини борбардори махсуси «Полет ва контейнерҳо», ядак ва дигар таҷҳизоту мошинҳо харидорӣ карда шуд, ки дар маҷмӯъ зиёда аз 200 номгӯйро ташкил мекунанд. Феълан,  фурудгоҳи байналмилалии Душанбе барои анҷом додани ҳамаи парвозҳо ва қабули ҳавопаймоҳо омода аст.{jathumbnail off}

Мӯҳр