01 апр 2016 11:05Тоҷикистон / Рӯ ба рӯ

Таъхири мурофиаи наҳзатиҳо ва эҳтимоли бе адвокат мондани Ҳайит

Мурофиаи додгоҳии аъзои раёсати Ҳизби мамнӯи наҳзати исломӣ барои муддати номуайян ба таъхир гузошта шудааст.

Наздикони аъзоёни боздоштшудаи ҳизби фаъолияташ дар Тоҷикистон мамнӯи наҳзати исломӣ мегӯянд, мурофиаи охирон 18 март гузашт ва мурофиаи навбатӣ бояд 29 март баргузор мешуд: “Мо дар рӯзи таъиншуда назди додгоҳ омадем, аммо ба мо гуфтанд, ки мурофиа намешавад. Сабабашро шарҳ надоданд ва санаи мурофиаи навбатиро низ нагуфтанд”.

Дар ҳамин ҳол Савринисо Ҷӯраева, ҳамсари Маҳмадалӣ Ҳайит, ноиби боздоштшудаи раиси ҲНИТ ба “Озодагон” аз эҳтимоли бе адвокат мондани шавҳараш хабар дод. Ба гуфтаи Ҷӯраева Ҷамшед Ёров, ки вакили дифои шавҳараш мебошад, ихтиёран ба имтиҳони ҳатмии Вазорати адлия барои адвокатҳо ҳозир нашудааст ва эҳтимол аз ҳаққи вакилӣ маҳрум хоҳад шуд: “Ба мо гуфтанд, ки Ҷамшед Ёров дигар наметавонад аз ҳуқуқҳои шавҳарам дифоъ кунад. Дар суд шавҳарам талаб кардааст, ки Ҷамшед Ёров вакили дифояш бошад, аммо ҷониби суд гуфтааст, ки онҳо ҳақ надоранд ба ин дахолат кунанд”.

Ба таъхир гузошта шудани мурофиаи мазкур дар ҳолест, ки дар кишвар қонуни нав дар бораи адвокатҳо аз 29-уми март мавриди амал қарор гирифт, ки мувофиқи он адвокатҳо пас аз супурдани имтиҳон аз ҷониби Вазорати адлия мақоми адвокатӣ хоҳанд гирифт. Айни замон дар кишвар танҳо 312 нафар ҳуқуқи фаъолияти адвокатиро дошта, аксари адвокатҳои дигар аз имтиҳон нагузаштаанд, ё ихтиёран аз супурдани имтиҳон даст кашиданд.

9 феврали соли ҷорӣ баррасии судии парвандаи масъулони ҳизби мамнуъи наҳзати исломӣ дар Суди олии Тоҷикистон пушти дарҳои баста оғоз гардид. Ба гуфтаи наздикони аъзои боздоштшудаи ҲНИТ бори охир мурофиаи судӣ санаи 18 март баргузор гардида, онҳо талаб доранд, ки дар мурофиаҳои судӣ иштирок намоянд.

Саидумар Ҳусайнӣ, Муҳаммадалӣ Ҳайит, Абдуқаҳҳори Давлат, Раҳматуллоҳи Раҷаб, Зубайдуллоҳи Розиқ, Муҳаммадалии Файзмуҳаммад, Ҳикматуллоҳ Сайфуллозода, Қиёмиддин Авазов, Зарафо Раҳмонӣ, Маҳмадшариф Набиев, Абдусамад Fайратов, Саттор Каримов ва Воҳидхон Қосидинов баъд аз амалиёт алайҳи генерал Абдуҳалим Назарзода, муовини собиқи вазири мудофиа дар моҳи сентябри соли 2015 боздошт шуданд. Додситонии кулли Тоҷикистон 17 сентябр бо нашри як изҳорот гуфт, ин афрод баъди пурра нобуд кардани аъзои гуруҳи "Ҳоҷӣ Ҳалим" (Абдуҳалим Назарзода) қасди фирор аз кишварро доштаанд: “Дар асоси далелҳои дар рафти тафтишот дастрасшуда, бо мақсади пешгирӣ кардани амалҳои нави террористӣ, ҷалб кардани шаҳрвандон ба содир кардани ҷиноятҳои хусусияти экстремистидошта, созмон додани дастаҳои мусаллаҳи ғайриқонунӣ, инчунин халалдор намудани оромӣ ва амнияти мардуми Тоҷикистон шахсони зикршуда боздошт гардиданд". Ин ниҳод баъдан эълон кард, алайҳи боздоштшудаҳо бо иттиҳоми терроризм, ташкили иттиҳоди ҷиноятӣ, барангехтани кинаю адовати миллӣ, нажодӣ, маҳалгароӣ ва ё динӣ, ба таври зӯроварӣ ғасб намудани ҳокимият ё бо зӯроварӣ нигоҳ доштани ҳокимият, даъвати оммавӣ барои бо роҳи зӯроварӣ тағйир додани сохти конститутсионӣ, исёни мусаллаҳона ва чанд моддаи дигари Кодекси ҷиноятӣ парванда боз шудааст.

Мӯҳр

Хабарҳои монанд:

вы

Адвокат чи бошад, чи набошад, фарк надорад. Приговорро барвакт баровардагианд.

Ҷавоб диҳед Иқтибос Шикоят

..........

18 феврал не 18 март

Ҷавоб диҳед Иқтибос Шикоят

ИН КОРХО ДИЛСАРДИИ МАЛЛАТРО БА БОР МЕОРАД. БОВАР КУНЕД ДАР СОХТИ СИЕСАТИ ИМРУЗИ МАМЛАКАТ АГАР ТАГЙИРОТ ВОРИД НАГАРДАД ОКИБАТИ КОРИ ХУКУМАТ ВА ДАВЛАТ ХАТАР АСТ
САЪДИ БУЗУРГВОР МУГУФТ:
РАЪИЯТ ЧУ БЕХАНДУ СУЛТОН ДАРАХТ
ДАРАХТ БОШАД ЭЙ ПИСАР АЗ БЕХ САХТ

Ҷавоб диҳед Иқтибос Шикоят

Сухроб

Судхо аз хукумат вобаста буданд, акнун адвокатхо хам вобаста шуданд. Сарконун барои чист?

Ҷавоб диҳед Иқтибос Шикоят

Раҷабалӣ

инҳо ҳамашон шиа ҳастан чеҳраҳошона бинен камтарак одамшинос бошен мефаҳменки шиа ҳастан. Албатта озодии ақида ҳасту вале инҳо мақсадҳои шум доштанд ки ба мақсад нарасиданд ва ғаразнок кор мекараднда фаҳмида мешавад аз оқибати корашон!!!!

Ҷавоб диҳед Иқтибос Шикоят

Эзоҳ илова кунед