31 мар 2016 14:00Тоҷикистон / Иҷтимоӣ

Ш.Зуҳуров: Аз макотиби олӣ дида, ба мактабҳои касбу ҳунаромузӣ бештар диққат диҳед

Раиси Маҷлиси намояндагони Тоҷикистон мегӯяд, бояд ба таълимгоҳҳое, ки ба касбу ҳунаромузӣ машғуланд, диққати бештар дода шавад.

Шукурҷон Зуҳуров чоршанбеи 30 март дар ҷаласаи навбатии палатаи поёнии парлумони Тоҷикистон ба дунболи қабули Протокол оид ба тағйиру иловаҳо ба созишномаи Тоҷикистону Қазоқистон роҷеъ ба ҳифзи ҳуқуқҳои муҳоҷирони меҳнатӣ гуфт, дар ҳоле ки мутахассисони зиёди омоданамудаи мактабҳои олии кишвар ҷой кор намеёбанд, беҳтар аст ба мактабҳое таваҷҷуҳ шавад, ки ба ҷавонон касбу ҳунарҳои гуногун меомӯзанд. Ӯ таъкид намуд: “Баъди солҳои зиёд ба ҳамин хулоса омадам, ки аз он диққате, ки ба мактаби олии имрӯз медиҳем, яъне мутахассисонеро тайёр мекунем, ки қисми зиёдашон ҷой кор намеёбанд, аммо аз буҷет пул сарф мекунем, беҳтар аст, ба литсейю колеҷҳое диққат дода шавад, ки ба ҳунаромузӣ машғуланд”.

Раиси Маҷлиси намояндагон бо хитоб ба Нурулло Раҳматуллозода, муовини вазири меҳнат, муҳоҷират ва шуғли аҳолӣ гуфт, ин масъаларо баррасӣ намоянд ва талош кунанд, таваҷҷуҳ ба таълимгоҳҳои ҳунару касбомӯзӣ бештар гардад: “Ба ин кор машғул шавед, пешниҳодҳо кунед. Аз 10 пешниҳод 5-6 тоаш ҳам гузарад, аллакай дар ҳукумат пешравӣ мешавад”.

Мӯҳр

Хабарҳои монанд:

ilhom

rahmati kalon zuhurov fikri olijanob

Ҷавоб диҳед Иқтибос Шикоят

росия

ин масъаларо вазорати маориф бояд 10 сол пеш медид. пешниход мекунам, ки институти комерческий ва налоговий (иктисоди) ба литсейи хунар табдил шаванд. 70-80% хатмкардахои ин донишкадахо дар русия мардикор хастанд, аммо бе хунар, мешавад бесавод хам гуфт. чаро ки дар ин ду даргох аслан аз фанхои дакик, хисобу китоб меомузанд, аммо м2-ро аз м3 фарк намекунанд. барои хачми корашон акт вып-работ составит карда наметонанд. чи даркор ингуна институт? чи даркор 5 соли хаётро зоеъ кардан?

Ҷавоб диҳед Иқтибос Шикоят

Беақл

Ҳоло ҳам дарк карда бошед, худоро шукр.

Ҷавоб диҳед Иқтибос Шикоят

равф

Ин ба сирк монандщудаса

Ҷавоб диҳед Иқтибос Шикоят

Эзоҳ илова кунед