30 мар 2016 14:02Тоҷикистон / Акс / Тема дня

Дастури Э.Раҳмон барои камхарҷ кардани ҷашнҳои давлатӣ ва омодагӣ ба зимистон (АКС)

Эмомалӣ Раҳмон, раисиҷумҳури Тоҷикистон, имрӯз, 30 март дар ҷаласаи ҳукумат масъалаи омодагӣ ба зимистони оянда, камхарҷ гузарондани ҷашну чорабиниҳои давлатӣ ва бартарафсозии оқибатҳои заминҷунбӣ дар ноҳияи Рӯшонро ба миён гузоштааст.

Тибқи иттилои дафтари матбуоти раисиҷумҳури Тоҷикистон зимни ҷаласаи ҳукумат таъкид гардид, ки имсол навбати дуюми Маркази барқу гармидиҳии Душанбе 2 мавриди истифода қарор дода мешавад: “Эмомалӣ Раҳмон дастур дод, ки то моҳи октябри соли 2016 тамоми иншоотҳои соҳаҳои иҷтимоӣ ва хонаҳои баландошёнаи пойтахт ба системаи гармидиҳӣ пайваст карда шавад”.

Раисиҷумҳури Тоҷикистон таъкид намудаст, ки аз ҳозир роҳбарони сохторҳои марбута баҳри захираю таъмини маводи сӯхт ва хӯрока, инчунин омода кардани муассисаҳои соҳаи иҷтимоию иқтисодӣ, марказҳои барқу гармидиҳӣ ва зеристгоҳҳо тадбирҳои таъхирнопазир андешанд.

Ба иттилои манбаъ дар пайи баррасии Барномаи рушди иҷтимоию иқтисодии ноҳияҳои Рӯшон ва Роштқалъаи Вилояти Мухтори Кӯҳистони Бадахшон барои солҳои 2016-2020 ва шунидани гузориши раисони ноҳияҳои мазкур, Эмомалӣ Раҳмон ба масъулини сохторҳои давлатӣ барои пурра бартараф кардани оқибатҳои заминларза дар ноҳияи Рӯшон ва бо масолеҳи сохтмонӣ таъмин намудани аҳолӣ супоришҳои мушаххас дод.

Зимни ҷаласаи ҳукумат зикр шудааст, ки дар доираи нақша тайи соли 2016 дар Вилояти Мухтори Кӯҳистони Бадахшон бунёди 20 корхона бо 195 ҷойи корӣ, вилояти Хатлон 70 корхона бо 3670 ҷойи корӣ, вилояти Суғд 55 корхона бо 880 ҷойи корӣ, дар шаҳри Душанбе ва ноҳияҳои тобеъи ҷумҳурӣ 19 корхонаю коргоҳ бо 1300 ҷойи корӣ пешбинӣ шудааст: “Ғайр аз ин дар корхонаҳои амалкунандаи кишвар таъсиси коргоҳҳои нав ва марказҳои таълимӣ-истеҳсолӣ бо 3000 ҷойи корӣ ба нақша гирифта шудааст”.

Дар охири ҷаласаи ҳукумат раисиҷумҳури Тоҷикистон барои тезонидани корҳои саҳроӣ, содироти меваю сабзавот, вусъати корҳои ободонӣ, рушди туризм, омодагӣ ва дар сатҳи хуби ташкилию камхарҷ гузаронидани чорабиниҳои давлатӣ ва ҷашну идҳо супоришҳо додааст.

Мӯҳр

Хабарҳои монанд:

Кухистони

Рости гап аз эълонхо ташкили чойхои кори хар сол ки маълумот дода мешавад, ягон зара бовари надорам. Харсол ба ин эълонхо агар назар куни дар микёси Чумхури зиёда аз 1000 000 чойхои кори ташкил мегардад, аммо кучост он чойхои кори ки мардум онро намеёбанд. Як милион мухочир таи ин солхо бо ин элони чои кори бояд дар ватан бо кор таъмин мешуд, аммо микдори дар ватан мондаи шахрвандон чои кор намеёбанд. Оё хукумат аз чунин сабсатахо шармашон намеояд? Дар бораи камхарч шудани чорабинихо мегуянду аммо то рафт пурхарачот мегардад. Мисол наврузи имсола. Бародарон ин харочотхо аз кисаи мову шумо хаст, эрод нагиред. Бучаи давлат ин кисаи шахрвандонаш мебошад. Озодагон!

Ҷавоб диҳед Иқтибос Шикоят

Аминчон Шукухи

омодагӣ ва дар сатҳи хуби ташкилию камхарҷ гузаронидани чорабиниҳои давлатӣ ва ҷашну идҳо супоришҳо додааст.
Гузаронидани чашни бошукухи Наврузи ба ин дохил намешавад.

Ҷавоб диҳед Иқтибос Шикоят

Карим

пешвозгирии тантанавии худро дар ҳар як шаҳру ноҳия кам кунад, хуб мешуд

Ҷавоб диҳед Иқтибос Шикоят

Султонмурод

Аминчон Шукухи,
Чашну марсимхои давлатиро камхарчу бе даддабаи зиети гузарондан даркор. Хар гуна раксхои донишчуен чи даркор, онхо ба чои хондан 4-5 мох машки ракс мекунанд барои ракси 10 дакикаги дар хузури рохбарон. Барои хурду хуроки хар гуна мехмонхо миллионхо сарф мешавад, дар ин миен миллионхои дигар дар кисаи ин ташкилотчиен "гайб" мезананд. Пешниходи оли, вале амали шуданаш багумон, зеро чои дузди намемонад.

Ҷавоб диҳед Иқтибос Шикоят

Эзоҳ илова кунед