29 мар 2016 10:08Тоҷикистон / Сиёсат / Тема дня

Иддаои нави муттаҳамони қатли кормандони комиссариат: Моро низ латукӯб карданд

Муттаҳамони қатли кормандони комиссариати ҳарбии ноҳияи Сино дар мурофиаи додгоҳӣ иддао кардаанд, ки аз ҷониби кормандони мақомот мавриди латукӯб қарор гирифтаанд.

Тавре манобеи “Озодагон” иттилоъ доданд, дар курсии айбдорӣ барои ҳамла ва қатли кормандони комиссариати ҳарбӣ 6 нафар нишастаанд. Манбаъ гуфт, гумонбарон дар ҳамлаи маргбор ба кормандони комиссариат зимни мурофиа дар додгоҳи шаҳри Душанбе изҳор доштанд, ки онҳо низ аз ҷониби намояндагони мақомот мавриди латукӯб қарор гирифтанд ва нисбати онҳо низ чораандешӣ шавад: “Муттаҳамон аз додраси парванда дархост намудаанд, ки нисбати кормандони мақомот низ барои латукӯб қарори қонунӣ қабул карда шавад”.

Манбаъ афзуд, додрас дархости ҷониби судшавандаҳоро барои тафтиш ба Додситонии кулли Тоҷикистон ирсол намуда, то анҷоми он мурофиаҳои додгоҳиро ба таъхир гузошт.

Дар баробари Умедҷони Амрохон 5 нафари дигар – Шоҳинҷон Сафаров, Шарифҷон Раҳматов, Одилҷон Мирзоев, Наврӯзҷон Мирзоев ва Ҷумъахони Давлатшоҳ гумонбарони ҳамла ба кормандони комиссариати ҳарбии ноҳияи Сино дар курсии айбдорӣ нишастаанд.

Қаблан Вазорати умури дохилӣ Умедҷони Амрохон, сокини 21-солаи шаҳри Кӯлобро муттаҳами асосӣ дар қатли кормандони комиссариат муаррифӣ кард. Тибқи иттилои ин ниҳод Умедҷони Амрохон ва Шарифҷон Раҳматов соати 7:20 дақиқаи 7-уми ноябри соли 2015 дар кӯчаи Деҳотии шаҳри Душанбе бо кормандони Комиссариати ҳарбии ноҳияи Сино - лейтенанти калон Темурхон Эгамбердиев, майор Пулод Мирзоев, прапоршик Ҳамза Насибов ва ронандаи комиссариати мазкур - Рустам Саъдуллоев муноқиша карда, бо корд номбурдагонро маҷруҳ кардаанд: “Дар натиҷа майор Мирзоев Пӯлод дар ҷойи ҳодиса прпоршик Насибов Ҳамза низ дар беморхона ба ҳалокат расидааст. Дигарон бо ҷароҳатҳои гуногун дар беморхона бистарӣ шудаанд”.

Умедҷони Амрохон дар навори нашркардаи ВКД иброз намуда буд, ки “аз хона ба ҷои кор омада истода будем, ки шахсони номаълум омада, салом доданд. Чор нафар буданд, ҳар чорашонро бо кордча задам. Кордчаро як моҳ қабл аз бозор харида будам”.

Мӯҳр

Хабарҳои монанд:

апрарпар

Дар хакикат баъзе бе фаросато бачахоро хангми дар кучву хиёбонхо дастгир намудан бе пурсиш берахмна мезананд. Ин бефаросато аклсолим надоран намедонам..............

Ҷавоб диҳед Иқтибос Шикоят

Душанбенец.

Окибати облава хамин аст. Мисол холо чавонон аз бекори ва вазъи бади Россия ихтиёран ба хизмат омада истодаанд, аммо бо вучуди ин кормандони ин макомот яъне комисариат барои пора, облаваро кат намекунанд. Шахсоне, ки холо то шаш мохашон намерасад аз кади куча ва аз хонахояшон облава карда мебаранд. Дар холате, ки плани даъват пур шудаистодааст ин ходисахо чи лозим. Вакти он омадааст ки ба сафи куввахои мусалах чавонони солимро даъват кунанд, аммо комиссияи тиби шахсони ба хизмат носолимро низ, солим нишон дода ба сафи куввахои мусалах гусел мекунанд. Агар падарашон пул дихад мегардонанд вагарна равон мекунанд. Мана дар маколаи 2-мох пеш чавоне, ки уро бо чунин рох ба аскари бурданд аз 2- гурдааш махрум шуд. Чаро нисбати фарзандони мардум чунин беахмияти мекунанд? Одам будан даркор ва ин кор ба шаъни мардуми мусалмон намезебад. То кай дар хамма сохахо корупсия амал мекунад. Ин боиси он мешавад, ки мардум хис мекунад, ки дар назди конун кадре надорад ва ба хар конуншикани даст зада ва чунину чунон мекунанд. Аввал конун бояд макоми мардумро дар чомиа, химоят кунад, бад дар он хол мардум конунро риоя мекунанд. Озодагон илимос чоп кунед.

Ҷавоб диҳед Иқтибос Шикоят

Эзоҳ илова кунед