25 мар 2016 10:25Тоҷикистон / Сиёсат

Отамбоев: Бо Э.Раҳмон созишномаи марзиро имзо мекунем

Алмосбек Отамбоев, раисиҷумҳури Қирғизистон мегӯяд, дар масоили марзӣ бо Тоҷикистон забон ёфтаанд.

Отамбоев 24-уми март зимни посух ба суоли хабарнигорон дар Бишкек изҳор доштааст, ки гуфтушунид дар мавриди марз бо Тоҷикистон хеле хуб пеш рафта истодааст: “Интизор меравад, ки моҳи майи соли равон бо Эмомалӣ Раҳмон созишномаро имзо намоем. Дар мавриди минтақаҳои боқимондаи марз бо Тоҷикистон умед дорам, ки солҳои наздик тавофуқ ҳосил хоҳад шуд ва масъала пурра ҳал мегардад”.

Тоҷикистону Қирғизистон тӯли 970,8 километр марзи муштарак доранд, ки 451 километри он дар 70 нуқта баҳсбарангез боқӣ мондаанд. Қаблан ҳукумати Қирғизистон лоиҳаи созишномаи марзӣ бо Тоҷикистонро тасдиқ кард, ки бар асоси он гӯиё дар мавриди 519,9 километр марзи муштарак созиш ҳосил шудааст.

Тибқи иттилои ҷониби Қирғизистон муайянсозии марз аз рӯи эъломияи соли 1991-и Алмаато сурат хоҳад гирифт, ки тибқи он марзҳое, ки замони гирифтани истиқлолияти кишварҳо мавҷуд будаанд, ҳифз хоҳад шуд..

Аммо Акбар Ятимзода, раиси Кумитаи идораи замин ва геодезии Тоҷикистон дар шарҳи ин созишнома гуфт, дар 519,9 километр марз бо Қирғизистон ҳанӯз ду нуқтаи баҳсбарангез ҷой доранд. Аз ҷумла ба иттилои Кумитаи идораи замин Қирғизистон аз ноҳияҳои Ҷиргатолу Мурғоби Тоҷикистон замин мехоҳад, ки баҳсбарангез аст.

Ятимзода мегӯяд,ҷониби Тоҷикистон ҳеч қарордодеро дар ин робита ҳанӯз қабул накардааст: “Дар ин масофа мо як - ду нуқтаи баҳснок дорем ва барои баррасӣ намудани он албатта мо омода ҳастем. Вақте аз ду ҷониб барои баррасии ин масофа ба таври мушаххас ҳуҷҷатҳои зарурӣ тасдиқ карда мешаванд, баъдан мо дар сатҳи комиссияи байнидавлатӣ минтақаи муайяншударо барои баррасӣ пешниҳод мекунем. Ҳозир ягон қарордодро дар ин бора қабул накардаем”.

Мӯҳр

Хабарҳои монанд:

мехмон

Чиргатол , Мургоб ба Киргизистон , Регар Зафаробод ба Узбакистон, Мургоб ба Чин , Бадахшон ба Авгонистон о кучои Точикистон аз точикон ва ба точикон мемонад ???

Ҷавоб диҳед Иқтибос Шикоят

Шафтолу

Бародари мехмон дар боли кайд карди ки ба точикистон чиш мемона,
Хай хамаша грфтан Ховалинги биён, мо рахтон метем!

Ҷавоб диҳед Иқтибос Шикоят

Кухистони

Точик мардуми хуб аст. Хечгох тарафдори чангу хунрези набуд намешавад. Заминхоро бо дасти худ бо одобона бароварда такдим мекунад, на чанчолу хархаша ва баръакс ризояту тахсин. Киргиз алакой 2-сол пеш кисми замини моро гирифт, узбак низ аз ин бахра бурд, Хитой низ гирифт. Мо президенти сулхпарвар бо хоричи давлато дорем, ки асло намегузорад, ки барои замин шуда дар байни кишвархо ноамни пайдо шавад. Як чахон ташакур, шугронаи бокимонда заминхо ва ахли давлатро кунед!

Ҷавоб диҳед Иқтибос Шикоят

Tojikzoda

Чаро пешвои миллат дифоъ аз замини ин миллат намекунанд? модоме ки Пешвои миллати точик шуданд чаро аз паси халлу фасли масъалаи марзии бахсдор намешаванд? мо хануз дар хотир дорем аз паси ин масъалаи марзи чанд точикон чони худро курбон карданд, аммо дифоъ ва ё хамдарди аз пешвои миллат надидем ва нашнидем. Афсус... сад афсус

Ҷавоб диҳед Иқтибос Шикоят

Эзоҳ илова кунед