15 мар 2016 11:48Тоҷикистон / Иҷтимоӣ

Дар “Гуфтугӯи тамаддунҳо” ин бор аз Отахон Латифӣ мегӯянд

Маҳфили навбатии “Гуфтугӯи тамаддунҳо”-и проффесор Иброҳим Усмонов ба 80-умин солрӯзи Отахон Латифӣ бахшида мешавад.

Тавре аз Фонди “Гуфтугӯи тамаддунҳо” ба “Озодагон” иттилоъ доданд, мавзӯи маҳфили 18 март “Ҷойи Отахон Латифӣ дар тамаддуни тоҷик” хоҳад буд: “Дар он шогирдону дӯстони журналист суханронӣ мекунанд”.

Ба иттилои манбаъ, ин маҳфил дар ҳамдастӣ бо Шӯрои ВАО ва НАНСМИТ соати 17:00-и 18 март дар бинои Маркази савдои пойтахт, воқеъ дар кӯчаи Мирзо Турсунзода,45 оғоз мешавад.

Отахони Латифӣ, узви Комиссияи оштии миллӣ ва муовини собиқи сарвазири Тоҷикистон буд. Ӯ субҳи 22 сентябри соли 1998, дар 62-солагӣ дар назди манзилаш дар Душанбе кушта шуд.

Отахони Латифӣ соли 1938 дар шаҳри Панҷакент ба дунё омада, фориғутаҳсили бахши журналистикаи донишгоҳи шаҳри Ленинград (Санкт-Петербург)-и Русия буд. Ӯ дар рӯзномаҳои машҳури замони Шӯравӣ -- “Комсомолская правда” ва “Правда” кор кардааст. Отахон Латифӣ аз соли 1989 то соли 1991 муовини сарвазири Тоҷикистон буд. Вай охирҳои соли 1992 Тоҷикистонро ба қасди Русия тарк намуда, баъди ду соли зист дар Маскав ба Теҳрон рафт.

Дар нахустин даври музокироти сулҳи тоҷикон дар Маскав соли 1994 раҳбарии ҳайъати Иттиҳоди мухолифини тоҷикро бар уҳда гирифт ва то замони ба ин ҷараён пайвастани Ҳоҷӣ Акбари Тӯраҷонзода ва Муҳаммадшарифи Ҳимматзода ва баъдан худи раҳбари аввали Иттиҳоди нируҳои мухолифин Саид Абдуллоҳи Нурӣ, музокиротро бо ҳукумат аз тарафи мухолифин пеш бурд. Латифӣ моҳи сентябри соли 1997 баъди имзои созишномаи сулҳ дар 27 июн ва таъсиси Комиссияи оштии миллӣ ба Душанбе баргашт. То замони кушта шуданаш ба ҳайси раиси зеркомиссияи ҳуқуқии комиссияи оштии миллӣ фаъолият дошт.

Мӯҳр

Хабарҳои монанд:

Кухистони

Латифи бисёр инсони хоксор буд ва дар даврахои рузхои аввали истиклолияти Точикистон хизматхои нихоят бузург карда буд. У дар ташкили сулхи мухолифин ва хукумати Рахмон яке аз накшхои бузургро бозидааст. Ман ёд дорам талошхои уро ва хакикатчуихои у дар он замон аз ёди хеч кас намеравад. Афсус, ки пас ба вукуъ омадани сулх чунин шахсони хакикатчуи точик хадафи душманони миллат гашт. Рухаш шод бод!

Ҷавоб диҳед Иқтибос Шикоят

Эзоҳ илова кунед