Душанбе мизбони машварати сиёсии Тоҷикистону Қирғизистон мешавад
Дар шаҳри Душанбе машварати сиёсии ҳайатҳои вазоратҳои умури хориҷии Тоҷикистону Қирғизистон баргузор мешавад.
Дафтари матбуоти Вазорати умури хориҷаи Тоҷикистон мегӯяд, ин машварат 17-18 марти соли равон доир шуда, ҳайати Қирғизистонро Динора Кемелева, муовини аввали вазири хориҷаи он кишвар роҳбарӣ мекунад. Манбаъ мегӯяд, дар ин машварат роҳҳои густариши ҳамкориҳои дипломатии ду кишвар мавриди баррасӣ қарор мегирад.
Машвари сиёсии ҳайатҳои вазоратҳои умури хориҷии Тоҷикистону Қирғизистон дар ҳоле баргузор мешавад, ки дар масъалаҳои марзӣ нигарониҳое мавҷуданд. Чандин ҳолати задухӯрди маргбор миёни сокинони минтақаҳои сарҳадӣ ба қайд расидааст. Ахиран, Вазорати корҳои хориҷии Тоҷикистон дар пайи насби парчами Қирғизистон дар манзили зисти як сокини ноҳияи Бобоҷон Ғафурови вилояти Суғд ба мақомоти Қирғизистон нота фиристод.
Тоҷикистону Қирғизистон 970 километр марзи муштарак доранд, ки танҳо наздики 519 километараш аломатгузорӣ шудааст.
Мӯҳр
ТАҚВИМ
« Апрел 2025 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | |