Боздошти ронандае, ки дар пахш кардани се хонандаи мактаб гумонбар мешавад
Вазорати умури дохилии Тоҷикистон мегӯяд, ронандае, ки бо сабукрави “Опел-Вектра”-аш дар шаҳри Душанбе се хонандаи мактабро пахш кард, дастгир шудааст.
Ба иттилои манбаъ, боздоштшуда 25 сол дошта, сокини шаҳри Душанбе будааст: “Ҳангоми ҳаракат бо кӯчаи Рӯдакӣ аз самти кӯчаи Л.Шералӣ ба самти кӯчаи Карамови ш.Душанбе, дар рӯ ба рӯи мактаби таҳсилоти умуми №14 бехатарии ҳаракат дар роҳро таъмин карда натавониста, пиёдагардони ноболиғ: духтарчаи 11-сола ва ду нафар духтарчаи 12-солаи сокинони шаҳри Душанбе, хонандагони мактаби таҳсилоти умумии зикргардидаро пахш намудааст. Дар натиҷа, ноболиғон ҷароҳатҳои ҷисмонӣ бардошта, дар беморхона бистарӣ гаштаанд. Духтарчаи 11-сола пас аз муддате дар беморхона ба ҳалокат расидааст”.
Дар мавриди ин ҳодиса шоҳидон дар шабакаҳои иҷтимоӣ хаба дода, навиштанд, ки ронанда баъди он ки хонандаҳои мактабро зер мекунад, аз ҷойи ҳодиса фирор кардааст.
Мӯҳр
ТАҚВИМ
« Апрел 2025 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | |