07 мар 2016 16:17Тоҷикистон / Иҷтимоӣ

Сабти 4 марзшикании маргбор аз Хоруғ то Панҷ: Ҳифзи сарҳадот боз шадидтар шуд...(АКС)

Мақомоти марзбонии Тоҷикистон мегӯянд, ҳафтаи гузашта қочоқбарони мусаллаҳи афғон аз минтақаи Хоруғ то Панҷ 4 бор қасди марзшиканӣ кардаанд.

Ба иттилои манбаи “Озодагон” дар Сарраёсати Қушӯнҳои сарҳадӣ, субҳи 5-уми март, дар амалиёт алайҳи гуруҳи 9 нафарии Мирафзал валади Арбоб Шерафзал, ки дар минтақаи Панҷ қасди марзшиканӣ доштанд, Суҳроб Сафолов, марзбони 23-солаи тоҷик ҳалок гардид: “Зимни амалиёт мулло Фасҳиддин валади Қурбон, узви гуруҳи мусаллаҳ ба ҳалокат расида, узви дигарашон маҷруҳ шуд”.

Мақомоти марзбонии Тоҷикистон афзуданд, ки имрӯз, 7 март амалиёт алайҳи ин гуруҳи марзшикан дар ҷангалзорҳои наздимарзии минтақаи сарҳадии Панҷ идома дорад: “То ҳол 2 нафари дигар аз ин гуруҳ боздошт шуданд”.

Дар баробари ин манбаи “Озодагон” дар мақомоти марзбонӣ иттилоъ дод, ки ду ҳолати марзшиканӣ дар минтақаи сарҳадии Хоруғ ба қайд гирифта шуд, ки яке бо фирор ва дигаре бо марги як марзшикан анҷом ёфт: “Шаби 2 ба 3 март дар ноҳияи Рӯшон миёни марзбонҳо ва марзшиканон задухӯрди мусаллаҳона сурат гирифт, ки дар натиҷа як марзшикан нобуд гардида, шариконаш фирор карданд. Аз ҷои ҳодиса силоҳ ва маводи мухаддир дарёфт шуд”.

Ҳодисаи чорум дар минтақаи сарҳадии Шӯрообод сабт гардидааст, ки он ҳам бо фирори марзшиканҳо ва дарёфти 37 кило маводи мухаддир аз ҷои ҳодиса анҷом ёфт.

Мусоҳиби “Озодагон” изҳор дошт, дар пайи ин ҳодисаҳо низоми ҳифзи сарҳади Тоҷикистон бо Афғонистон, ки тайи як соли охир дар реҷаи пурзӯр қарор дошт, боз шадидтар шуд.

Мӯҳр

Хабарҳои монанд:

хатлони

Рахмат Озодагон ки хабаро дуруст мерасони ба хонандагон. Дигар сомонахои хабари аз куштани як сарбози ватани мо хушхол шуда хабар медиханд. Хатто сарлавхаи хабарашон: як марзбони точикро куштанд. Наменависанд ки Ин сарбоз дар рохи хифзу суботи халку ватани мо кахрамонона чон додааст.

Ҷавоб диҳед Иқтибос Шикоят

Меҳмон

Ба ин сарбозе ки барои ҳифзи ватан ҷонашро фидо кард бояд аз тарафи Вазорати Мудофия қадрдони карда шавад. Худоё ҷояшро ҷаннат гардонад.

Ҷавоб диҳед Иқтибос Шикоят

Саид

Ба оилаи ин сарбоз сабр хохонем.

Ҷавоб диҳед Иқтибос Шикоят

Эзоҳ илова кунед