04 мар 2016 17:30Тоҷикистон / Дидгоҳи хос / Видео / Тема дня

ВИДЕО-и боздошти “милисаи тоҷик” дар Қирғизистон: Ман ин ҷо “непричём”

Мақомоти Қирғизистон навори боздошти ду шаҳрванди Тоҷикистон бо маводи мухаддирро нашр кардаанд, ки яке аз онҳо майори милиса, корманди Вазорати умури дохилии Тоҷикистон муаррифӣ шуда буд.

Дар навор боздоштшудаҳо дар талоши худсафедкунӣ бо ишора ба ҳамдигар изҳор медоранд, ки мошин аз ман нест, аз ӯст.

Як рӯз қабл, 3 март мақомоти мубориза бо маводи мухаддири Қирғизистон аз боздошти як корманди 49-солаи Вазорати умури дохилии Тоҷикистон хабар доданд, ки аз дохили автомашинаи ӯ беш аз 36 кило маводи мухаддири ҳашиш дарёфт шудааст.

Тибқи иттилоияи расмии мақомоти Қирғизистон, рӯзи якуми март дар деҳаи Жаштики вилояти Бодканд мошини “Опел вектра”, ки таҳти идораи корманди Вазорати умури дохилии Тоҷикистон қарор дошт, барои санҷиш боздошт гардид: “Дар дохили автомашина инчунин шаҳрванди дигари Тоҷикистон, сокини 45-солаи шаҳри Душанбе қарор дошт. Ҳангоми санҷиш аз дохили автомашина 36 килою 300 грамм ҳашиш дарёфт шуд, ки арзиши он 4 миллион сом (беш аз 400 ҳазор сомонӣ”-ро ташкил медиҳад”.

Дар вокуниш ба ин хабар Вазорати умури дохилии Тоҷикистон изҳорот дод, ки боздоштшуда Муродалӣ Иброҳимов, собиқ корманди мақомоти корҳои дохилӣ мебошад: “Иброҳимов бо фармони Рамазон Раҳимзода, вазири умури дохилии Тоҷикистон аз 9 феврали соли 2016 бинобар "кирдори иснодоваранда, паст задани шаъну шарафи кормандони мақомоти корҳои дохилӣ ва мунтазам вайрон намудани интизоми хизматӣ" аз мақомоти корҳои дохилӣ озод шудааст”.

Мақомоти Қирғизистон мегӯянд, феълан аз рӯи ин ҳодиса парвандаи ҷиноӣ оғоз гардида, тафтишот идома дорад.

Мӯҳр

Хабарҳои монанд:

Наркоманби банги

Инхо обу руи точикро мерезонанд на онхое,ки дар Россия кучаруби мекунанд. Ин госчиновнико имруз устухоне дар гулуи мардуми бечора шудаст. Ман мешиносам ва медонам шахсеро,ки корманди ВКД аст вале дар хонааш мардхои бангиву хонабезора аз гирду атрофи деха чамъ карда оварда кор мекунанд ва хама намудашро дуд мемонанду менушанд дар ивази корашон.

Ҷавоб диҳед Иқтибос Шикоят

Усто

Об дар кӯзаю мо ташналабон мегардем,
Ёр дар хонаю мо гирди ҷаҳон мегардем.

Суфуфи ВКД пур аз ҷинояткорону нашъаҷалобон асту кормандони ин ниҳод пайи боздошти чунин афрод овораанд. Сараввал гирду атрофи худро мебояд пок кард! Берун аз кишвар низ обруи ВКД-и Тоҷикистон рехт.

Ҷавоб диҳед Иқтибос Шикоят

Довар

Дар Точикистон як махбус аз милисса хубтар аст. Байни мардум чинояткор аз милиса эхтироми зиёд дорад.

Ҷавоб диҳед Иқтибос Шикоят

э бмбрен ай и рузтон...кормандони шарафманди вкд-и точикистон. дар олам шармандамон карден. неки холи боз 5 экспертиза мегзаронен, меген ки у корманди вкд нест ё кайхо боз уволит шидагияй. сармона дар замин заде. сад хайфи мо барин ориёихо

Ҷавоб диҳед Иқтибос Шикоят

маҳмуди Ашӯрмуҳаммад

Салом, "Озодагон.тч", видеои Шуморо чи гуна бинем, вақте дар мо ютуб маҳкам аст?

Ҷавоб диҳед Иқтибос Шикоят

Эзоҳ илова кунед