03 мар 2016 17:19Тоҷикистон / Сиёсат / Тема дня

Ю.Раҳмон дар бораи камбудии додситонӣ: Ошӯби Ҳоҷӣ Ҳалимро пешгирӣ накардем

Юсуф Раҳмон, додситони кулли Тоҷикистон мегӯяд, яке аз камбудиҳои асосии ниҳоди зертобеяш дар соли 2015 саривақт ошкор ва ҷилавгирӣ накардани ошӯби Абдуҳалим Назарзода, маъруф бо Ҳоҷӣ Ҳалим буд.

Юсуф Раҳмон, имрӯз, 3 март зимни ҳисоботи солонааш дар Маҷлиси Миллӣ, гуфт, пешгирӣ нагардидани ҳодисаҳои рӯзҳои 3-4 cентябри соли гузашта, ба нокифоя будани назорати риояи қонунҳо дар қувваҳои мусаллаҳ марбут мебошад: “Дар фаъолияти кормандони мақомот камбудиҳо ҷой доштанд. Нисбати кормандоне, ки ба ин камбудиҳо роҳ додаанд, чораандешӣ карда шуд”.

Додситони кул нагуфт, ки нисбати кормандони гунаҳкори мақомот чӣ чораандешӣ сурат гирифт. Ӯ изҳор дошт, ки барои ҳодисаҳои моҳи сентябри соли гузашта 199 нафар саркардагон ва иштирокчиён дастгир шуданд: “Айни ҳол 37 парвандаи ҷиноятӣ дар ҳаҷми 310 чилд нисбати ҳамаи 199 нафар бо тасдиқи фикри айбдорӣ, барои баррасӣ ба суд ирсол гардидааст”.

Додситони кул гуфт, барои боздошти 39 узви дигари гуруҳ, ошкори манбаҳои маблағгузорӣ ва дарёфти силоҳи боқимондаи ин иттиҳоди ҷиноӣ чораандешиҳо идома доранд.

Ба гуфтаи Юсуф Раҳмон камбудии асосии дигари ниҳоди зертобеяш назорати сусти иҷрои қонунгузории замин ва пурра барқарор накардани зарар дар рафти тафтиши ҷиноятҳо мебошад.

Мӯҳр

Хабарҳои монанд:

мехмон

Нисбати Хочи Халим ФСБ - и Руссия хабар намедод чи гап мешуд намаълум. Ва дар шумо кормандони касби хаст ё не ин хам номаълум. Кудакони дируза полковнику генерал. Аскари катори нашуда генерал !!!!
Мансаб дар мо мероси хаст ё аз руи ихтисос ин хам номаълум.

Ҷавоб диҳед Иқтибос Шикоят

Кухистони

Оё додситони кул вазифааш факат терорист капиданасту халос? Оё дигар проблемахои марбут ба холатхои ичтимоии шахрвандон вазифаи додситони нест? Оё гайри ошуби Хочи Халим ва шахрвандони дар Сурия буда дар кишвар дигар проблемахо нест? Ё ин ки дигараш хама хал мешавад? Вакто, ки шахрванд, шикоят мебарад ва шумо дар асоси он делаи чинояти мекушоеду пас онро ба шкафхои худ партофа намак карда мемонед, оё аз болои он ва ичрои он назорат мебаред? Гайр аз супориши Хукумати маркази шумо ягон корро ба итмом намерасонед. Хато рузхои шанбе рузи кабулатон хаст ва шумо аз берун намегузоред шахрвандон ба дохил дарояду арзу додашонро кунанд. Аз оне ки шумо агар доди шахрвандро ба эътибор гирифта парванда кушоед хам, ягон бехбуди дар ин шахрванд пайдо намешавад, чунки назорат намебаред ва боз дар вакти муносиб, бо туфа парвандаро дигар мекунед. Дар замони Салимов каме хакикат буд. Парвандахо то охир каму беш хали худро меёфтанд. Дар замони хозир дар макомоти додситони бе тавачухи ва беконуни дар авчи аълост. Чаро аз ичрои парвандахои кушода пурсиш намекунед? Магр Чаноби Оли дар ин бора макомотро зери танкиди сахт нагирфта буд?

Ҷавоб диҳед Иқтибос Шикоят

Душанбенец.

Коментарияхоро барои прокуратура чоп немекнен ха.

Ҷавоб диҳед Иқтибос Шикоят

Эзоҳ илова кунед