01 мар 2016 09:20Дин ва зиндагӣ / Хабарҳои ҷаҳон / Тема дня

Даъвати мусалмонҳои Маскав: Куштори ваҳшиёнаи кӯдакро ба Ислом рабт надиҳед!

Куштори ваҳшиёнаи кӯдаки чорсоларо дар шимолу ғарби Маскав аз дасти парастораш, шаҳрванди Узбакистон ба Ислом рабт надиҳед. Ин нуктаро дар изҳороти муфтиёти Маскав таъкид шудааст.

Дар ин изҳорот, ки бо имзои Илдар Аляуддинов, раиси идораи мусалмонҳо ва имоми масҷиди ҷомеи Маскав нашр шудааст, гуфта мешавад, бар пояи пӯшиш ва ё шиору кадом як амал ба мусалмону Ислом рабт додани ҳодиса умуман қобили қабул нест.

Гулчеҳра Бобоқулова, парастори 38-сола аз Узбакистон бо ҳиҷоб ва садои “Аллоҳу Акбар” сари буридаи Настяи 4-сола дар даст, дар метро боздошт шуд. Расонаҳо навиштанд, ки ӯ дар як хона дар хиёбони “Народний Ополчения” духтари таҳти нигоҳубинашро кушта, манзилро оташ задааст.

Раҳбари идораи муфтиёти Маскав гуфтааст, зани муттаҳам дар куштори кӯдак аз маризии равонӣ ранҷ мекашад. Ӯ ба хонаводаи Настя изҳори таслият карда, гуфтааст, “ҳар мусалмон ин дардро ҳамчун фоҷеаи худ қабул мекунад”.

Кунгураи умумирусиягии узбакҳо низ эълон кардааст, омодаи кумак ба мақомоти ҳифзи ҳуқуқ барои тафтиши ҳодисаи куштори кӯдак мебошад.

Мӯҳр

Хабарҳои монанд:

мехмон

Бародарону хохарони точик рахмдилу Исломи хастанд ва ба чунин кор рох намедиханд.

Ҷавоб диҳед Иқтибос Шикоят

Дехоти

Хеч гох ислом тарафдори вахшионат набуд ва нест. Яке аз гуноххои нобахшидани дар ислом ин рехтани хуни нохак аст. Албата ин зархариде мебошад, ки бо чунин рох исломро дар назари мардум бад карданист. Набошад казоват кунед, ки агар куштан буд кушти, боз сари кудакро дар даст гирифтану бо хичоб дар кучахо алоху акбар гуфта гаштан чи маъди дорад? Хато ба аблахон маълум аст, ки ин як сахнаи хушуматангези мебошад. Авалаш ки хатто девона агар одам кушад пинхон мешавад, дуюм мардуми узбак кам касе хичоб мепушанд ва боз дар Россия пушидани хичоб аз тарафи шахрванди узбак. Ин фитнае беш нест.

Ҷавоб диҳед Иқтибос Шикоят

Эзоҳ илова кунед