23 фев 2016 10:17Тоҷикистон / Сиёсат / Тема дня

Шарҳи ВКД дар бораи боздошти тоҷирони ришдори “Корвон”

Вазорати умури дохилии Тоҷикистон боздошти ду савдогари бозори “Корвон”-ро тасдиқ карда, афзуд, ки ин тоҷиронро на барои риш, балки бо иттиҳоми узвият дар ҳизбу ҳаракатҳои ғайриқонунии террористию экстремистӣ боздошт кардаанд.

Дар иттилоияе, ки Вазорати умури дохилӣ рӯзи 23 феврал нашр кард, дақиқ гуфта нашудааст, ки боздоштшудаҳо ба узвият дар кадом ҳизбу ҳаракат муттаҳам мешаванд. Ин ниҳод танҳо таъкид кардааст, ки “нафарони боздоштшуда аъзоёни ташкилотҳои террористӣ, экстремистӣ буда, мақсадашон ноором сохтани вазъи сиёсӣ дар ҷумҳурӣ мебошад. Бояд тазаккур дод, ки мақомоти корҳои дохилӣ танҳо нисбати афроде, ки даст ба ҷиноят зада, бо амалу кирдори худ хатар ба ҷомеа эҷод мекунанд, сару кор мегирад. Он шаҳрвандон дар бозори «Корвон» на барои риш мондан, балки бо гумони шомил гардидан ба ҳизбу ҳаракатҳои ғайриқонунии террористию экстремистӣ, дастгир шудаанд”.

Шарҳи ВКД дар ҳолест, ки 22 феврал дар интернет хабари боздошти ду савдогари бозори “Корвон” барои доштани риш нашр гардид.

Мӯҳр

Хабарҳои монанд:

фарход

Ман нафахмидам , аз кай боз барои гумон дар конунгузори боздошт пешбини шудааст ??

Ҷавоб диҳед Иқтибос Шикоят

Savori

Имруз хар ришдорро боздошт намуданд, ба терроризм муттахам мекунанд, метарсам фардо занхои сатрпуши ахиран боздошт шударо хам ба ин айбномаи бофта муттахам накунпнд.!

Ҷавоб диҳед Иқтибос Шикоят

мухочир

Аз точирон хохиш мекунам, ки дорои худро фурушеду ва тарки ватан кунед чем аз ин кадар тахкир шуданхои хамешаги

Ҷавоб диҳед Иқтибос Шикоят

Абдуллох

Тоҷирони муҳтарам Ҳиҷрат кунед ва дар хориҷ тиҷорати худро давом диҳед Ҳайф ҳаст дар ин Давлат андоз супоридан. Шумо андоз месупорид ва аз андози супоридагии шумо кор кунони амният маъош мегиранд ва мебиеянд шуморо таҳқир мекунанд, яне шумо бо дастони худ ба онхо ойлик медиҳед то ки шуморо таҳқир кунанд!

Ҷавоб диҳед Иқтибос Шикоят

Safar

Эй мардум! Ба кучо раванд, ба кучо?

Ҷавоб диҳед Иқтибос Шикоят

Эзоҳ илова кунед