20 фев 2016 13:37Тоҷикистон / Сиёсат
Қарори нави ҳукумат барои оштии ТАЛКО бо миллиардери рус
Қарори ҳукумат дар ин бора, ки 2 феврали соли равон имзо шудааст, дар сомонаи Вазорати адлияи Тоҷикистон нашр гардидаст.
Уҳдадории нав ба дӯши ТАЛКО дар ҳолест, ки Эмомалӣ Раҳмон, раисиҷумҳури Тоҷикистон барои даст ёфтан ба оштӣ миёни корхонаи алюминиюми тоҷик - ТАЛКО ва ширкатҳои наздик ба “РусАЛ”-и Русия, аввали соли гузашта, тарҳеро тасдиқ кард, ки бар асоси он, 322,3 миллион сомонӣ қарзи андози ширкати “Созидание”-ро дар Тоҷикистон ТАЛКО пардохт мекунад.
Тибқи тағйироти нав ба ин қарор, ки ба созиш миёни ТАЛКО ва корхонаҳои марбут ба РусАЛ-и Олег Дерипаска, миллиардери рус равона шудааст, “ТАЛКО” муваззаф гардид, ки андоз аз даромади “Созидание”-ро низ пардохт кунад.
Ширкати “Созидание”, ки ба Олег Дерипаска марбут дониста мешавад, дар Душанбе меҳмонхонаи “Хайят Реҷенсӣ” ва як маҷмааи соҳибкории “Созидание”-ро дорад.
Қаблан РусАЛ эълон кард, ки дар баҳси додгоҳӣ бо ширкатҳои наздики ТАЛКО ғолиб омадааст, аммо ТАЛКО пардохти 70 миллион доллар ҷуброни нақзи қарордод бо ширкатҳои тобеи РусАЛ-ро ба таъхир андохтааст. Дар маҷмуъ уҳдадориҳои ТАЛКО дар назди ширкатҳои наздики РусАЛ беш аз 200 миллион доллари амрикоӣ ҳисоб шуда буд. РусАЛ ҳушдор дода буд, ки дар сурати таъхири пардохти маблағҳо асрори ТАЛКО, аз ҷумла суратҳисобҳои марбут ба ин корхонаро дар минтақаҳои офшорӣ ошкор хоҳад кард.
Дар ҳамин ҳол охири тобистони соли 2014 Додгоҳи олии иқтисодии Тоҷикистон низ ширкати “Созидание”-ро муваззаф кард, ба Кумитаи андози кишвар 322 миллион сомонӣ бисупорад. Намояндагони Кумитаи андози Тоҷикистон мегӯянд, ин пулест, ки дар пайи тафтиши фаъолияти ширкати “Созидание” аз 1 январи соли 2009 то 1 декабри соли 2013 ошкор шудааст. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
