“Муросокорӣ” тарҳи тағйиру иловаҳо ба Кодекси гумрукро бозпас гардонд
Хуршед Каримзода, муовини аввали сардори Хадамоти гумруки Тоҷикистон имрӯз, 10 феврал зимни муаррифии лоиҳа гуфт, он асосан бо мақсади мутобиқ намудани талаботи кодекс ба талаботи қонунгузории амалкунандаи кишвар таҳия гардидааст. Ӯ иброз дошт, таҳлилҳо оид ба мутахассисони барасмиятдарории гумрукӣ нишон дода, ки чунин мутахассисон дар бисёр ҳолатҳо талаботи Кодекси гумрук ва дигар санадҳои меъёрӣ-ҳуқуқии соҳаро риоя намекунанд: “Бо мақсади ба танзим даровардани мутахассисони барасмиятдарории гумрукӣ моддаи 148-и Кодекси гумрук дар таҳрири нав пешниҳод шудааст, ки мутобиқи он мақомоти гумрук тартиби бекор кардан, бозхондан ва боздоштани амали шаҳодатномаи мутахассиси барасмиятдарории гумрукиро муайян мекунад”.
Ҷаноби Каримзода гуфт, тибқи ин тағйиру иловаҳо мақомоти гумрук метавонад ба пардохткунанда дар муҳлати 5 сол аз рӯзи ба анҷом расидани баррасмиятдарории гумрукии мол оид ба пардохти маблағи боҷи гумрукӣ, андоз ва фоизҳо даъво пешниҳод кунад. Ба қавли ӯ, инчунин дар лоиҳаи мазкур пешбинӣ шудааст, ки пардохткунанда низ метавонад дар муҳлати 5 сол маблағҳои пардохтҳои гумрукии барзиёд супоридаро аз мақомоти гумрук талаб намояд. Хуршед Каримзода афзуд, дар ин лоиҳа пешбинӣ шудааст, ки раҳбарони раёсатҳои минтақавии гумрукӣ бо розигии Президенти Тоҷикистон ба вазифа таъин мешаванд: “Ваколати ба вазифа таъин ва аз вазифа озод намудани шахсони мансабдори мақомоти гумрук, иваз намудан, аз аттестатсия гузаронидан низ пешбинӣ шудааст”.
Баъди баромади муовини аввали сардори Хадамоти гумрук Шукурҷон Зуҳуров, раиси Маҷлиси намояндагон иброз дошт, вобаста ба моддаи 360, қисми 2-и ин лоиҳа эроде, ки дар Шӯро гирифта буд, ҳоло ҳам номуайян боқӣ мондааст: “Онҷо гуфта шудааст, ки ҳангоми муайян кардани арзиши гумрукии молҳо мутобиқи ҳамин модда ҷиҳати татбиқи усулҳои мазкур ба муросокорӣ роҳ дода мешавад, ҳамин гап чи маънӣ дорад? Ба муросокорӣ роҳ дода мешавад, ин мафҳуми қонун нест”.
Дар пайи эроди Шукурҷон Зуҳуров вакилони Маҷлиси намояндагон барои бозпас гардонидани лоиҳаи мазкур ҷиҳати такмили он розигӣ доданд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
