09 фев 2016 08:25Тоҷикистон / Сиёсат / Рӯ ба рӯ / Тема дня

Раҳоии журналисти тоҷик баъди 8 соати боздошт

Маъсуми Муҳаммадраҷаб, хабарнигори бахши тоҷикии Радиои Озодӣ, ки аз сӯи марзбонҳои қирғиз бо иттиҳоми убури ғайриқонунии марз боздошт шуд, раҳо шудааст. Ӯро тақрибан соати ҳашти шом, баъди 8 соати боздошт озод кардаанд.

Маъсуми Муҳаммадраҷаб гуфтааст, ӯро ба убури ғайриқонунии марз айбдор кардаанд, дар ҳоле ки дар он минтақа ягон аломати рӯшани ба Қирғизистон тааллуқ доштанаш дида намешуд. Дар посух ба эътирози ин хабарнигор марзбонҳои қирғиз аломатеро нишон додаанд, ки дар канори ҷӯ дар ҷойи нонамоён гузошта шудаву навиштаи “Рустои Мақсат”-ро доштааст.

Қаблан, манобеи “Озодагон” аз ҳукумати вилояти Суғд гуфтанд, миёни ҷонибҳои Тоҷикистону Қирғизистон барои раҳоии Маъсуми Муҳаммадраҷаб гуфтугӯҳои телефонӣ идома доранд. Ба қавли манбаи мо, бар асоси қоидаҳои байналмилалӣ санади маъмурӣ тартиб дода шуда, хабарнигор раҳо мешавад.

Маъсуми Муҳаммадраҷаб рӯзи 8 феврал аз сӯи неруҳои марзбонии Қирғизистон боздошт шуд. Бино ба иттилои Радиои Озодӣ оқои Муҳаммадраҷабро дар ҳудуди Овчӣ-Қалъачаи ноҳияи Бобоҷон Ғафуров дастгир кардаанд. Гулмира Борубоева, сухангӯи Хадамоти марзбонии Қирғизистон ба ин расона гуфтааст, Маъсуми Муҳаммадраҷаб барои нақзи қоидаи марзи давлатӣ боздошт шудааст. Ба қавли ӯ, “ин ҷавобгарии маъмурӣ дорад. Шахсияти хабарнигор ва ҳуҷҷатҳояш тафтиш шуда, баъдан протокол тартиб дода хоҳад шуд”.

Хонум Борубоева афзуда, баъди тартиби санад Маъсуми Муҳаммадраҷаб аз боздош раҳо мешавад: “Ман гуфта наметавонам, ки давоми як соати ё чанд соат озод мешавад. Вале давоми рӯз озод мешавад. Дар зери ин боздошт ягон нимкоса нест. Мо ба ҳамаи масъала омода ҳастем, проблема надорем. Фақат дар инҷо нақзи қоидаи марзи давлатӣ аст”.

Хабарнигори бахши тоҷикии Озодӣ дар пайи боло шудани парчмаи Қирғизистон дар болои хонаи ду сокини Овчӣ-Қалъача ба ин ҷамоат рафт, то вазъро аз наздик пайгирӣ кунад. Бино ба иттилои расида, нисфишабии 6 феврал ҳудуди 40 марзбони қирғиз вориди хоки Тоҷикистон шуда, дар болои манзили зисти ду сокини ҷамоати Овчи-Қалъачаи ноҳияи Бобоҷон Ғафуров парчами кишварашонро насб кардаанд. Ба иддаои сарҳадбонҳои қирғиз, ин ду манзил дар хоки Қирғизистон ҷойгир аст ва соҳибонашон бояд онҳоро холӣ кунанд.

Мӯҳр

Хабарҳои монанд:

Нурматов Мадумар

аҷаб таззоди зиндагӣ. хонаи тоҷикро дар буму хокаш азхуд мекунанд, панрчамашонро меафрӯзанд ва мехоҳанд базӯрӣ пораи хоки Ватанаи азизро азхуд кунанд, вале касе вокуниш намесозад. Ба қавле генерал интизор аст, ки ин ҳамсоячҳои ғосиби мо чӣ ҷавоб хоҳанд гуфт. Нангу гомус куҷо шуд, фарру карри тоҷикӣ ку? Бояд парчамро поён фарофард ва ба даштҳои қирғиз фиристод то орзуи хоку марзи моро тдарт дил напарваранд. Бародар Маъсум барои шумо барори кор мехоҳам, ва Худо нигаҳбонатон.

Ҷавоб диҳед Иқтибос Шикоят

Manuchehr

Мы легко отдаем свои родные земли...не важно кому, кыргыз. или еще кто. Они сильнее нас и захватывают нашу территорию.
Странно, кучка на верху смогла навредить нашей нации, больше греков, арабов, монголов, чагатаев и прочих пришлых...хотя Родная земля самое святое...Тимурмалик всегда носил с собой горстку земли Родины. Яздигурд III был проклят из - за того, что отдал мешок земли арабам...

Ҷавоб диҳед Иқтибос Шикоят

Эзоҳ илова кунед