05 фев 2016 17:44Оcиёи Марказӣ / Тоҷикистон

Таҳияи Кодекси маданӣ ба ҷойи гражданӣ. Ҳимояи қонунӣ аз қадру қимату нангу номус

Маркази миллии қонунгузории назди Президенти Тоҷикистон мегӯяд, ба ҷойи Кодекси гражданӣ тарҳи Кодекси маданиро бо иловаи чанд боби нав таҳия ва ба Дастгоҳи раисиҷумҳур ирсол кардааст.

Маҳмад Раҳимзода, директори Маркази миллии қонунгузорӣ имрӯз, 5 феврал дар суҳбат бо хабарнигорон дар шаҳри Душанбе гуфт, ҳанӯз соли 1999 мехостанд номи кодексро маданӣ гузоранд, аммо бо сабаби вуҷуд надоштани ҳамфикрӣ миёни зиёиёни тоҷик номи он Кодекси гражданӣ шуд.

Ӯ афзуд, ахиран дар ҳамоише дар Хоҷа Оби Гарм 90 донишманд аз Кодекси маданӣ ном гирифтани он пуштибонӣ карданд: “Баъд аз таҳлилу баррасиҳои зиёд ва омӯзиши кишварҳои ҳамсоя ва давлатҳои шарқӣ ба хулосае омадем, ки Кодекси маданӣ дуруст аст, на гражданӣ. Баъзеҳо гуфтанд, ки ин арабӣ аст, ҳамрадифашро ёбед. Аммо баъди омӯзиш маълум шуд, ки ин калимаи арабӣ набуда, аз Сурия ба Арабистон омадааст. Дар луғатҳои мо он ба маънии шаҳр ва робитаи маданӣ омадааст. Он аз ҷамъи шаҳрвандон иборат аст ва ҳамин ҷамъи шаҳрвандон ба ҳамдигар ниёз доранд ва бояд дар муносибат ва робитаи маданӣ қарор дошта бошанд. Ман розӣ нестам ба онҳое ки мегӯянд, ин арабӣ аст, ин русӣ аст, мебахшед ҳамаи инҳо, агар арабӣ бошанд, мо дигар чӣ дорем? Чизе ки аз араб аст аз мо низ ҳаст. Ҳамаро ба араб додан дуруст нест. Маданӣ молӣ мо буд, ҳаст”.

Оқои Раҳимзода дар идома гуфт, “ҳар чи зудтар бояд ба моли худ соҳиб шуд, соҳиб, ки нашудӣ ҳамсоя мегираду баъдан афсӯсхурӣ мекунем. Кодекси маданӣ муҳим аст, муносибати давлат ба шаҳрванд ва шаҳрванд бо давлат бояд маданӣ бошад”.

Ба қавли раҳбари Маркази миллии қонунгузорӣ, 14 ниҳод бо шумули Кумитаи забон ва истилоҳот ва Академияи илмҳои Тоҷикистон барои аз гражданӣ ба маданӣ табдил додани номи кодекс хулосаи мусбӣ додаанд. Маҳмад Раҳимзода таъкид кард, ба тарҳи нави кодекс 8 боби нав илова шуда, се боби он масъалаҳои ҳуқуқҳои шахсии ғайримолумулкӣ, ба мисли қадру қимат, нанг, номусро дар бар мегирад, ки ба гуфтаи ӯ ба фаъолияти журналистон низ дахл доранд.

Мӯҳр

Хабарҳои монанд:

абдуло

мадани яне дига конуно бемани гуфтай мардакбори.

Ҷавоб диҳед Иқтибос Шикоят

Ali

O grazhdanisha taghir doded bisyor khub, kodeks-sha kay taghir medihed.

Ҷавоб диҳед Иқтибос Шикоят

ҷаъфар

Бисёр шархи ачиб: "Аммо баъди омӯзиш маълум шуд, ки ин калимаи арабӣ набуда, аз Сурия ба Арабистон омадааст".
Магар дар Сурия арабхо зиндаги намекунанд?

Ҷавоб диҳед Иқтибос Шикоят

арабшинос

Кариб 60%-и калимаи забони точики арабиянд.

Ҷавоб диҳед Иқтибос Шикоят

Акбар

Аслаш - civil law. Дар назария ва тачрибаи тарчумони, тарчума хамеша аз забони асл хуб аст. Калимаи "мадани" маънои "civil"- ро ифода менамояд.

Ҷавоб диҳед Иқтибос Шикоят

Икром

ҷунбуҷули калимабозӣ
мазмуни кодекс гап намезанану оиди ном бахс!
ана сатҳӣ ҳуқуқшиносони мо
тавба

Ҷавоб диҳед Иқтибос Шикоят

Шаҳрванд

Хитоб ба нафароне, ки худро "доно"-и баф мегиранду заҳмати донишмандонро масхара мекунанд: Кани як меёри ҳуқуқӣ ба қонунҳо пешниҳод кунен?! Кани ақалан як талаботи қонунҳора иҷро кунен?! Э барои шумо (баъзе "доноҳо") интихоботу райъпурсӣ, шароити муроҷиат ба мақомоти давлатӣ муҳайё кардан ҳам дар бисёр ҳолат ҳуқуқтона истифода намебарен. Ақалан донишмандора дастгирӣ кунен.

Ҷавоб диҳед Иқтибос Шикоят

китобхон аз Душанбе

Ҳама кор аз "калимабозӣ" сар мешавад. Аввал мақсад ба як калима гуфта мешава ана баъд ҳаёт ҳаму қати мерава. Тақдирам як калима ҳал мекна.

Ҷавоб диҳед Иқтибос Шикоят

Sams

hazorho sol madani guftaand. Millati tojik bo tamaddun mashur ast. Biguzor qonuni madani dosta boshem

Ҷавоб диҳед Иқтибос Шикоят

مدنی

قانون مدنی صحیح

Ҷавоб диҳед Иқтибос Шикоят

Эзоҳ илова кунед