СБМ ба Тоҷикистон ва кишварҳои рӯ ба тараққӣ ҳушдор медиҳад

Аз чор дар се қисми кишварҳои ҷаҳон тайи соли 2011 –ум бекории ҷавонон афзоиш ёфтааст.

---

Масъулини Созмони Байналмилалии Меҳнат, мегӯянд, дар замони бӯҳрон, ҷавонони то 25 соларо пеш аз ҳама аз кор пеш мекунанд ва аз ҳама охир ба кор қабул мекунанд. Дар маҷмӯъ, таҳлилгарони СБМ дар гузориши навашон қайд мекунанд, ки сар аз оғози бӯҳрони молиявии ҷаҳонии соли 2008 –ум то ҳозир, ҳудуди 20 миллион ҷойи корӣ аз байн рафтааст. СБМ таъкид мекунад, ки ин нишондод ҳадди ниҳоӣ нест ва то охири соли 2012 –ум имкон дорад, ки боз 20 миллион нафари дигар бе ҷойи кор монанд.

Айни ҳол масъулини ин ниҳоди байнулмилал, шумораи расмии бекоронро дар ҷаҳон ҳудуди 200 миллион нафар арзёбӣ мекунанд. Бо назардошти ин рақамҳо, таҳлилгарони СБМ ба ҳукуматҳои кишварҳои рӯ ба рушд, аз ҷумла Тоҷикистон маслиҳат медиҳанд, ки мӯътадилсозии шуғли аҳолиро самти афзалиятноки сиёсати макроиқтисодии худ қарор диҳанд. Дар акси ҳол, ба гуфтаи онҳо, дар  бисёре аз кишварҳои ҷаҳон сатҳи бекорӣ ба ҳадди «бӯҳронӣ» хоҳад расид.{jathumbnail off}

Мӯҳр