04 фев 2016 10:13Тоҷикистон / Иҷтимоӣ / Рӯ ба рӯ / Тема дня

Даргузашти профессор Асадулло Саъдуллоев

Профессор Асадулло Саъдуллоев, адабиётшинос ва устоди Донишгоҳи миллии Тоҷикистон даргузашт.

Бино ба иттилои наздикон Саъдуллоев, ки муддати тӯлонӣ дар бистарӣ беморӣ хоб буд, субҳи имрӯз, 4 феврал аз дунё чашм пӯшидааст.

Асадулло Саъдуллоев 22 сентябри соли 1940 дар деҳаи Карсанги шаҳри Ваҳдат ба дунё омадааст. Ӯ фориғутаҳсили бахши филологияи Донишгоҳи давлатии Тоҷикистон дар соли 1962 мебошад.

Фаъолияти кориашро аз шабакаи телевизиони давлатии Тоҷикистон шурӯъ карда, дар рӯзномаҳои “Маориф ва маданият”, “Газетаи муаллимон”, “Тоҷикистони советӣ” дар вазифаҳои мудири шӯъба, котиби масъул, ҷонишини сармуҳаррир фаъолият доштааст. Соли 1978 рисолаи номзадӣ ва соли 1996 рисолаи докториро ҳимоя кардааст.

Асадулло Саъдуллоев солҳои 1992-2002, 2007-2009 мудири кафедраи телевизион ва радиошунавонии ДМТ ва солҳои 2002-2005 декани факултаи журналистикаи ДМТ буд. Устод муаллифи беш аз 40 асари илмӣ ва беш аз ҳазор мақолаи публитсистӣ мебошад.

Узви Иттифоқи журналистон (1965) ва Иттифоқи нависандагони Тоҷикистон (1992) аст. Аълочии маориф, фарҳанг, матбуот, телевизион ва радиои Ҷумҳурии Тоҷикистон буда, дорандаи Ифтихорномаи Совети Олии РСС Тоҷикистон мебошад. Соли 1998 барандаи ҷоизаи Иттифоқи журналистони кишвар ба номи Лоҳутӣ шуда, худи ҳамон сол бо медали “Хизмати шоиста” қадр шудааст. Корманди шоистаи Тоҷикистон аст.

Мӯҳр

Хабарҳои монанд:

донишчуй

Худованд чояшонро чаннат гардонад. Омин. Бехтарин устод буданд.

Ҷавоб диҳед Иқтибос Шикоят

Шогирд

Худо дар фирдавс ҷойгоҳашон диҳад

Ҷавоб диҳед Иқтибос Шикоят

Шогирди устод

Устод Саъдуллоев бисёр инсони шариф ва беназир буданд ва яке аз фарзандони асили точик. кош ин нохияи Вахдат аз ин гуна шахсиятхои вокеъбину вокеънигар зиёд медошт чои як мушт муллои афсонахон

Ҷавоб диҳед Иқтибос Шикоят

Саид

Рухаш шод бод. Хеле устоди халим буданд. Месазад дигар муалимони дмт аз пайрави чунин устодон шаванд.

Ҷавоб диҳед Иқтибос Шикоят

Эзоҳ илова кунед