01 фев 2016 16:06Тоҷикистон / Дин ва зиндагӣ
Дар Рӯзи ҷаҳонии ҳиҷоб: Ҳиҷобро барои Худо пӯшидаам, на барои худнамоӣ
Асосгузори Рӯзи ҷаҳонии ҳиҷоб Назмахон, як бангладешитабори муқими Амрикост. Ин сокини шаҳри Ню-Йорк соли 2013 аз занону духтарон новобаста аз динашон даъват кард, якуми феврал ҳиҷоб пӯшанд. Ҳадафи ин даъват поён додан ба исломбадбинӣ арзёбӣ шуд. Назмахон, ки дар 11-солагӣ ба Амрико омадааст, чӣ будани табъизро хуб медонад. Ӯро дар мактаб барои ҳиҷоб доштанаш ҳамсабақон “Бэтмен”-у ниндзя мегуфтанд. Бо гузашти солҳо ӯ интернет-мағозаи либосҳои исломиро роҳандозӣ мекунад. Баъди ин аз занону духтарон ҳазорҳо мактуб унвонии вай мерасанд ва аз табъиз шудан мегӯянд. Ҳамин чиз сабаби даъват барои ҷашнгирӣ аз Рӯзи ҷаҳонии ҳиҷоб мешавад.
Дар Тоҷикистон бархе аз мақомҳо сатру ҳиҷобро либоси ба фарҳанги миллӣ бегона тавсиф мекунанд. Аз соли 2014 ба ин сӯ ин мавзӯъ дар ҷомеаи Тоҷикистон хеле гарм аст. Чандин маврид аз бастани дари дуконҳое, ки ба фурӯши чунин либосҳо машғуланд гузориш расидааст. Баҳром Шарифзода, сардори раёсати умури дохилии вилояти Хатлон ахиран дар нишасти хабарие гуфт, “РКД дар вилояти Хатлон бо ҳокимияти маҳаллӣ, маҳҳаллаҳо, ҷамоатҳо, кумитаи кор бо занон ва оила, ҷавонон ва фаъолони ҷомеаи вилоят ҳамкории зич дошта, бо роҳи гузаронидани корҳои фаҳмондадиҳӣ дар байни мардум кори хешро пеш мебарем. Соли гузашта маҳз бо баргузории чунин корҳои фаҳмондадиҳӣ дар маҳалҳо 1773 зан аз пӯшидани либоси ба фарҳанги мо бегона даст кашиданд”.
Чанд тан аз бонувони ҳиҷобпӯш дар суҳбат ба хабарнигори “Озодагон” гуфтанд, онҳо танҳо барои эътиқод онро мепӯшанд. Сокина, яке аз онҳост, ки мегӯяд, “ҳиҷобро барои Худо ба сар кардам, на барои худнамоӣ. Он фарзи илоҳист ва ҳеч вақт намехоҳам онро бигирам”. Адиба, ки дар яке аз сехҳои қаннодии пойтахт фаъолият дорад, мегӯяд, то ҳол доштани ҳиҷоб барояш мушкиле пеш наовардааст: “Шукри Худо панҷ вақт намозамро мехонам, ҳиҷобро ҳам барои ризогии Худо мебандам. Боре аз ҷониби ягон нафар мавриди бозпурсӣ ҳам қарор нагирифтаам”. Аммо Фархунда, як сокини дигари Душанбе гуфт, чанд бор аз ҷониби раҳбари корхонае, ки фаъолият дорад, пешниҳоди бадар кардани ҳиҷобро гирифтааст: “Ҳар вақте аз роҳбарият ба ман мегӯянд, ки рӯймоламро гирам, дар ҷавоб ба онҳо мегӯям ҳамон вақт ба гуфтаи шумо мекунам, ки дар девор навиштаҷоти “пӯшидани ҳиҷоб манъ аст”-ро овезон кунед. Ё агар аз тарафи корхона ба ҷое ҳам раваму ба ман гӯянд, бо ин либос даромада наметавонам, ба онҳо низ ҳамин суханро мегӯям”.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
