Садама: 2 нафар қурбон гардида, 9 тани дигар ҷароҳат бардоштанд

Бар асари як сониҳаи нақлиётӣ дар ноҳияи Хуросон ду ронанда ҷони худро аз даст доданд.

---

Тавре аз дафтари матбуоти РБДА ба хабаргузории «Озодагон» иттиллоъ доданд, рӯзи гузашта тахминан соати 13.50, ронандаи автомашинаи тамғаи «Опел-Вектра» Акобир Ҳалимови 26- сола истиқоматкунандаи ҷамоати деҳоти С. Айнӣ, деҳаи Уялӣ, дар километри 64-уми роҳ, воқеъ дар ноҳияи Хуросон, деҳаи Стансияи Ойкамар  ба автомашинаи тамғаи «Опел-Астра», ки таҳти идораи Маҳмадсобир Машрафи 19- сола буд, роҳ надода, бармехӯрад, ки автомашинаим тамғаи «Опел-Астра» ба тарафи рости роҳ баромада, ба чукури чаппа мешавад, дар ҳамин вақт автомашинаи тамғаи «Сиелло» таҳти идораи Азим Шобекови 28 сола ҳаракат дошт ба автомашинаи тамғаи «Опел-Вектра», ки баъд аз садама байни роҳ қарор дошт, масофаро риоя накарда бармехурад.  Дар натиҷа ронандагони «Опел-Вектра» ва «Опел-Астра» дар беморхона ба ҳалокат мерасанд,  9 нафари дигар ҷароҳатҳои гуногуни ҷисмонӣ бардошта, дар беморхонаи Хуросон бистарӣ мегарданд.{jathumbnail off}

 

Мӯҳр