22 янв 2016 16:07Тоҷикистон / Иҷтимоӣ / Муҳоҷир / Тема дня

Афзоиши “рӯйхати сиёҳ” ва коҳиши интиқоли ҷасади муҳоҷирон аз Русия

Вазорати меҳнат, муҳоҷират ва шуғли аҳолии Тоҷикистон мегӯяд, соли 2015 аз Русия ҷасади 807 муҳоҷири тоҷик ба Ватан оварда шудааст.

Сумангул Тағозода, вазири меҳнат, муҳоҷират ва шуғли аҳолии Тоҷикистон, имрӯз, 22 январ зимни нишасти матбуотӣ дар Душанбе гуфт, интиқоли ҷасади муҳоҷирон соли гузашта коҳиш ёфтааст. Ба гуфтаи Тағозода соли 2014 ба Тоҷикистон 869 ҷасади муҳоҷирон интиқол ёфта буданд.

Вазири муҳоҷират инчунин аз коҳиши сафари шаҳрвандони Тоҷикистон ба муҳоҷирати меҳнатӣ хабар дода, афзуд, ки соли 2015 аз ҷумҳурӣ 552 ҳазору 596 шаҳрванди кишвар ба муҳоҷирати меҳнатӣ рафтаанд, ки нисбати соли пешӣ 18% кам аст: “Аз ҷумла 541 ҳазору 636 нафар ба Русия ва 10 ҳазору 957 нафар ба Қазоқистон сафар кардаанд”.

Тағозода сабаби коҳиши теъдоди муҳоҷирони меҳнатиро ба буҳрони иқтисодӣ дар Русия ва зиёд шудани шаҳрвандони мамнуъулвуруд рабт дод. Ба гуфтаи ӯ феълан беш аз 333 ҳазор шаҳрванди Тоҷикистон дар феҳрасти афроди мамнуъулвуруд дар Русия қарор доранд.

Мӯҳр

Хабарҳои монанд:

ман

аз коҳиши тобутҳо хурсанд нашавед сабабаш кам шудани маргу мир нест сабаб ин аст ки дар ин кризис муҳоҷирон пул надоранд мурдаҳоро ба Ватани торику сард фиристанд

Ҷавоб диҳед Иқтибос Шикоят

Мирзо

Дар дигар давлатхои дунё вазир аз шармандаги аз кор мерафт. Ин хонум бошад бо руи сурх мегуяд, ки шумораи часади мухочирон ба 807 адад расидааст. Якто бошад хам инсон аст. Ин шармандагист. Дар кресло шишта пули бедарди миён гирифтан осон. Хамаи хешу авлодхои худро бо кор таъмин намуда, аз холи мардуми бечора парво надоред. Аз ухдаи кор, ки набуромади вазифаро тарк намо.

Ҷавоб диҳед Иқтибос Шикоят

Махмадшариф

Точикистон наметавонад мухочирони мехнатии худро ба кор таъмин намояд

Ҷавоб диҳед Иқтибос Шикоят

Эзоҳ илова кунед