11 янв 2016 12:30Тоҷикистон / Иҷтимоӣ / Тема дня

Вазир баҳси супоришҳои президентро беодобӣ хонд

Нуриддин Саид, вазири маориф ва илми Тоҷикистон мегӯяд, довталабонеро, ки раисиҷумҳур Эмомалӣ Раҳмон аз мулоқотҳояш бо мардум барои қабул дар донишгоҳҳои кишвар тавсия медиҳад, бечунучаро дохил карда мешаванд.

Нуриддин Саид, вазири маориф ва илми Тоҷикистон, имрӯз, 11 январ зимни посух ба суоли “Озодагон”, ки оё довталабҳои тавсиякардаи раисиҷумҳур аз санҷиш гузаронда мешаванд, изҳор дошт, ки супоришҳои президентро бечунучаро иҷро мекунад. Ӯ изҳор дошт, ҳар хизматчии давлатие, ки одоби хизматӣ дорад, супориши раҳбари давлатро масъалагузорӣ намекунад. Вазири маориф таъкид намуд, ҳамаи он нафароне, ки аз ҷониби Эмомалӣ Раҳмон пешниҳод мешаванд, донишу малакаи хуб доранд ва воқеан аълохону ниёзманданд.

Ин дар ҳолест, ки Эмомалӣ Раҳмон, раисиҷумҳури Тоҷикистон зимни мулоқотҳояш бо мардум дар навоҳии кишвар бархе аз ҷавонписарону ҷавондухтаронро интихоб намуда, ба вазири маориф дастур медиҳад, ки онҳоро ба ҳар ихтиссоси интихобкардаашон дар донишгоҳҳо дохил кунад.

Тибқи қоидаҳои дохилшавӣ танҳо аз холҳои гирифта ва натиҷаҳои тесту нишондодҳои компютер вобаста аст, ки довталаб ба кадом муасссиса ва ихтиссос қабул хоҳад шуд. Қаблан раисиҷумҳури Тоҷикистон изҳор дошт, ки бо фаъолсозии Маркази миллии тестӣ таъсири омили инсонӣ кам шуда, тағобозию ба истилоҳ “через” аз байн меравад.

Мӯҳр

Хабарҳои монанд:

шахрванд

Мухтарам Вазир узр мехохам аввал.Бафикри ман ягон нафари тасодуфи нест,ки хеста гап занад хамаи онхо пеш аз баромадхояшон донишчуияшонро эхсос мекунанд...

Ҷавоб диҳед Иқтибос Шикоят

Хатлони

Вазир дуруст гуфтааст ин берун аз одоби журналисти аст. чунки Президент дорои имкониятхои дигари ба мисли Квотаи президенти, квотаи Дурахшандагон ва маблагузори аз хисоби фонди махсуси президенд ки чавонони бо истеъдодро аз ин хисоб дар донишгоххои дохил ва хоричи кишвар тахсил медихад. Холо аз ин хисоб дар хорича зиёда аз 3000 чавонони точик дар хоричи кишвар тахсил менамояд.

Дохилшави ба донишгохо танхо аз холхои гирифтаи довталабон вобаста нест. бе маркази тести хам аз хисоби Квотахои президенти ба донишгоххо дохил мешаванд.

Ҷавоб диҳед Иқтибос Шикоят

Эзоҳ илова кунед