08 янв 2016 13:56Тоҷикистон / Иҷтимоӣ

Қадрдонии Қодирӣ аз зане, ки бо пули Ҳаҷ пул сохт

Абдураҳмон Қодирӣ, раиси вилояти Суғд аз Норбибӣ Дӯстмуродова, зани 80-солае, ки бо пули барои Ҳаҷ ҷамъкардааш дар ноҳияи Ғончӣ пул сохт, қадрдонӣ кардааст.

Дафтари матбуоти раиси вилояти Суғд имрӯз, 8 январ иттилоъ дод, ки бо дастури Абдураҳмон Қодирӣ масъулин ба аёдати Норбибӣ Дӯстмуродова, сокини ноҳияи Ғончӣ рафтаанд. Манбаъ афзуд, аз номи раиси вилоят ба ин зани фаъолу бунёдкор тӯҳфаҳои хотиравии моливу пулӣ тақдим шудааст.

Ба иттилои манбаъ, Норбибӣ Дӯстмуродова, сокини ноҳияи Ғончӣ бо маблағҳои барои зиёрати Каъбатуллоҳ ҷамъовардааш тирамоҳи соли 2015 дар деҳаи Метк ду пул бунёд намуд, ки деҳаҳои Метку Хишекатро ба ҳам мепайванданд. Маблағҳои сарфкардаи Дӯстмуродова беш аз 100 ҳазор сомонӣ арзёбӣ мешаванд, ки ҳисоби нафақа, кӯмаки фарзандон ва фурӯши меваҳои боғаш ба даст овардааст. Маросими ифтитоҳи пулҳои бунёдкардаи ин зани солхӯрда тирамоҳи гузашта бо иштироки Раиси вилояти Суғд сурат гирифта буд ва он замон Абдураҳмон Қодирӣ иқдоми ин зани шуҷоъро як корнамоии бузург донист ва амали Норбибӣ Дӯстмуродоваро намунаи ибрат барои дигарон арзёбӣ карда буд.

Мӯҳр

Хабарҳои монанд:

назаршох

офарин

Ҷавоб диҳед Иқтибос Шикоят

мухлис

Ин модари точикро агар Хочибиби гуем хато нахохем кард. Ахсан ба модари точик ки чунин икахрамонихо мекунад.

Ҷавоб диҳед Иқтибос Шикоят

Хушбахт

Воқеан Абдураҳмон Қодири беҳтарин намоянда аз ҷониби Сарвари давлат аст кош Ҷаноби олӣ монанди чунин шахс раисони дигар таин менамуд.Хуҷанд рӯз аз руз зебо шуда истодааст ва инчунин як шаҳри дигаре сохта шудаистоаст дар канори Хуҷанд бо номи "Сайҳун" ки ба он зиёда аз 250-ҳазор ҷойгир мегардат ва дар сохтани ин шаҳр нақши Абдураҳмон Қодири хеле зиёд аст,,Офарин

Ҷавоб диҳед Иқтибос Шикоят

Абуабдуллох Рудаки

Зиерати Хачи фарзи дар соли 2015 шояд бо 23,000 сомони такмил мешуд. Ва ин зан метавонист хам адои Хач намояд ва хам пул созад. Ва хакки аввалият бояд ба Хач дода мешуд, чун фарзи ъайн аст. Аммо ин зан фарз ва амри Худовандро зери по гузошта пул сохтааст ва бо он ифтихор менамояд. Ин хуб нест, аввал адои фарзи ъайн ва сипас метавонад бо дигар хайру неки савоб ба даст орад. Ин худнамои ва рие аст. Бо сохтани пул аз баракат ва савоби Хач худро махрум кардааст. Ва хуб нест ки бо нияти Хач пул чамъ кунию пасон онро ба чои дигар мачраф намои.
Худованд бехтар медонад!

Ҷавоб диҳед Иқтибос Шикоят

бародар

НОРБИБИ не ХОЧИБИБИИ Хакони, набошад пули кампири худотарс аз тарафи арабхо дар чанг ё дар Испания ба истирохаташон сарф мешуд

Садкаи Рудаки шави,Ба каъба чи мерави дилеро дарёб хамаат араб шуди, худо бандаашро дар хама чой мебинад

Ҷавоб диҳед Иқтибос Шикоят

nabi farhor

Офарин ба ин Модар.Мансабдорони н.Фархор низ аз ин Модар дарси ибрат гиранд.

Ҷавоб диҳед Иқтибос Шикоят

Эзоҳ илова кунед