08 янв 2016 11:47Тоҷикистон / Иҷтимоӣ

Бонки Ҷаҳонӣ: 70%-и аҳолии Тоҷикистон мушкили барқ доранд

Бонки ҷаҳонӣ дар гузориши ҷадиди худ изҳор доштааст, ки 70%-и аҳолии Тоҷикистон мушкили барқ доранд.

Тибқи иттилои ин ниҳод камбуди барқ дар мавсими зимистон беш аз 2 ҳазор гигават/соатро ташкил медиҳад: “Баъди соли 2009, ки Тоҷикистон аз низоми ягонаи энергетикии Осиёи Миёна ҷудо карда шуд, маҳдудият ва қатъи интиқоли барқ афзоиш ёфтааст”.

Ин ниҳоди молӣ таъминот бо барқро яке аз омилҳои асосӣ барои рушди соҳибкорӣ ва истеҳсолот дар Тоҷикистон хондааст.

Қаблан Бонки ҷаҳонӣ дар гузориши худ, зери унвони “Пешбурди тиҷорат 2016” изҳор дошт, ки сатҳи таъминот бо барқ дар Тоҷикистон тайи як соли охир бадтар шуда, аз рӯи дастрасӣ ба нерӯи барқ кишвари мо миёни 189 давлати дунё дар ҷои 177-ум қарор дорад: “Соли гузашта Тоҷикистон аз рӯи таъминот бо барқ дар зинаи 176-ум ҷой гирифта буд”.

Гузориши Бонки ҷаҳонӣ дар ҳолест, ки тибқи мониторинги Иттифоқи истеъмолгарони Тоҷикистон мардуми навоҳии кишвар дар як шабонарӯз аз 5 то 8 соат бо барқ таъмин мебошанд.

Мӯҳр

Хабарҳои монанд:

Сади

Салом рохбарони барк ман сокини ВМКБ дар Бадахшон пули барк бисёр ба андозаи баланд рафтаистодаст аи руй долар сурат мегирад гуё мо дар Амрико хастем илтимос рохбарон амин PamirEnerjiro аз ин давлат аз ин сарзамини ором пеш карда ба мо барки ТОЧИК барк дихад то ки пули худро ба давлати худ масраф намоем... сипосгузорам аз озодагон

Салом рохбарони барк ман сокини ВМКБ дар Бадахшон пули барк бисёр ба андозаи баланд рафтаистодаст аи руй долар сурат мегирад гуё мо дар Амрико хастем илтимос рохбарон амин PamirEnerjiro аз ин давлат аз ин сарзамини ором пеш карда ба мо барки ТОЧИК барк дихад то ки пули худро ба давлати худ масраф намоем... сипосгузорам аз озодагон

Ҷавоб диҳед Иқтибос Шикоят

Эзоҳ илова кунед