07 янв 2016 14:49Тоҷикистон / Акс / Тема дня

АКС: Навбатпоӣ барои хариди доллари арзон дар маркази Душанбе

Қурби як доллари амрикоӣ дар бозори пасипардагии нақд дар Тоҷикистон имрӯз, 7-уми январ то ба 8,25 сомонӣ расид.

Дар ин бора ба “Озодагон” корафтодаҳо хабар дода, афзуданд, ки “бо ин нарх ҳам доллар дар Душанбе камёфт аст”. Ин дар ҳолест, ки расман Бонки Миллии Тоҷикистон барои 7 январ қурби як доллари амрикоиро 7,19 сомонӣ, як евро-7,74 сомонӣ ва 1000 рубли русиро 102 сомонӣ муайян намудааст. Аммо дар амал доллар аз қурби муайянкардаи Бонки миллӣ барои евро ҳам қимматтар фурӯхта мешавад.

Корафтодаҳо мегӯянд, долларро зуҳри имрӯз, 7 январ “Спитаменбонк” дар маркази Душанбе бо арзиши 7,69 сомонӣ ба фурӯш гузошт. Яке аз харидорони доллар, ки дар назди Спитаменбонк навбат меистод, ба “Озодагон” изҳор дошт, ки масъулин баъди зиёд шудани харидорон фурӯши долларро тариқи рӯйхат ба роҳ монданд ва дар охир изҳор доштанд, ки доллар тамом шуд.

Ахиран Бонки Миллии Тоҷикистон ба қонунгузории кишвар тағйиру иловаҳоеро пешниҳод намудааст, ки барои фурӯши асъори хориҷӣ дар берун аз бонк ҷавобгарии ҷиноятиро пешбинӣ менамояд. Аммо мушоҳидон мегӯянд, вақтҳои охир фурӯши қимати доллар аксаран дар худи намояндагиҳои бонкҳои тиҷоратӣ сурат мегирад.

Мӯҳр

Хабарҳои монанд:

асрор

кудрат ва бузургии ИМА ва президенташ ОБАМА низ дар хамин аст.... чахон барои пулашон дар навбат меистад!!!!!!! инро давлатдори мегуянд.

Ҷавоб диҳед Иқтибос Шикоят

Курбонов Бахриддин

Имруз дар Бонки -Спитамен навбат буд хамагон мегуфтанд , ки ин (афераи бонки ) дуруг аст як намуди рекламаи бонк !!! Хангоми пур шудани одамон бонк зуд долллллархои худро акибнишини карданд.Рекламаи бонк имруз бар аъло буд. Фардо чи хилла мекарда бошанд? Дар тамоми бонкхо доллар курби хелллллллло зиёд дошта ба хар кас муясар намешавад он долларро дастрас намояд . Дар чустучуи доллари осмондида хастам. Точикон мо интизори дигаргуни аз тарафи кулли Бонкхои Точикистон хастем. Мувафакият ба касбу кори хамагон.!

Ҷавоб диҳед Иқтибос Шикоят

Човиддон

Агар аз хорич бонкхоро хавасманд мекардан ба ируз намерасидем.

Ҷавоб диҳед Иқтибос Шикоят

Илхомуддин

Имруз бояд ба вазьи иктисоди дуруст бахогузори намуд. Фуруши асьори хоричи тавассути бонкхо ин дар аксарияти давлатхои мутаркаки ва таракикарда барои танзими асьори истифода мешавад. Дигар ин , ки болоравии курби асьори хоричи вобаста аст ба бухрони иктисодие, ки чахонро фаро гирифтааст инчунин муносибатхои геосиесии абаркудратхо барои сохиб шудан ба мавкеьи устувортар дар чахон. Спитаменбанк бошад, низ дар катори дигар муассисахои молиявию карзии кишвар сиесати БМТ-ро пеш бурд истодааст. БМТ низ дар вобастаги ба ин бухронхо чорахои зарури андешида истодааст , ки аз чумла онхо ин созишномахои СВОЙ бо Чин ва танзими фаьолияти ханнотон тавассути нуктахои хариду фуруш махсуб мешавад, ки инро нодида гирифтан бетарафи ба рушди иктисоди аст.

Ҷавоб диҳед Иқтибос Шикоят

Эзоҳ илова кунед