31 дек 2015 12:51Тоҷикистон / Дин ва зиндагӣ

Исломшиноси №1-и Президент: Барои паҳлӯи ҳам шинондани Кабирию Абдулқодирзода узр хостанд

Файзулло Баротзода, директори Маркази исломшиносии назди раисиҷумҳури Тоҷикистон мегӯяд, ташкилкунандагони конфронси “Ваҳдати исломӣ” дар Эрон барои паҳлӯи ҳам шинондани Муҳиддин Кабирӣ, раиси ҳизби мамнӯи наҳзати исломӣ ва муфтии Тоҷикистон Саидмукаррам Абдулқодирзода узрхоҳӣ кардаанд.

Баротзода, яке аз намояндаҳои Тоҷикистон дар ин конфронси байналмилалӣ дар суҳбат бо “СА ТВ” нороҳатияшро аз ҳузури Кабирӣ дар ин конфронс баён доштааст.

Ӯ изҳор дошт, ки гумон карданд, ҳадаф аз баргузории конфронси “Ваҳдати исломӣ” таъмини ҳамоҳангӣ миёни мазҳабҳои гуногуни исломӣ аст: “Мо надонистем, ки бо кадом ғарази сиёсиву идеологӣ ин роҳбари ҳизби террористии мамнӯъшуда дар паҳлуи раиси Шӯрои уламои Маркази исломии Тоҷикистон дар ҷаласаи умумӣ ҷойгузин карда шуд. Мо фикру андеша ва эътирози худро ба масъулини ин ҳамоиш баён доштем ва албатта онҳо аз мо бахшишу пӯзиш хостанд”.

Раҳбари Маркази исломшиносии Тоҷикистон аз сатҳи баланди ҳамкориҳо бо Эрон дар арсаи сиёсӣ, идеологӣ, фарҳангӣ ва иқтисодӣ истиқбол карда, таъкид намуд, ки “ба назари мо рафтори намоишкорона дар ҷаласае, ки иштироки ҷаноби раисиҷумҳури Эрон дар он ҷо пешбинӣ шудааст, ба манфиати рушди ояндаи дӯстии ду кишвар нахоҳад буд”.

Ин дар ҳолест, ки ахиран Вазорати умури хориҷии Тоҷикистон низ бо “нота” эътирозашро аз ҳузури Муҳиддин Кабирӣ дар конфронси “Ваҳдати исломӣ” баён дошта, таъкид намуд, ки Кабирӣ барои талоши табаддулоти давлатӣ дар пайгарди байналмилалӣ қарор дорад.

Конфронси “Ваҳдати исломӣ” 27 декабр дар шаҳри Теҳрон, пойтахти Эрон оғоз шуда, то 29 декабр идома ёфт. Дар кори он аз Тоҷикистон Сулаймон Давлатзода, раиси Кумита оид ба корҳои дин, танзими анъана ва ҷашну маросимҳои миллӣ, Файзулло Баротзода, раҳбари Маркази исломшиносии назди президент, Саидмукаррам Абдулқодирзода, раиси Шӯрои уламои Маркази исломии Тоҷикистон иштирок доштанд.

Мӯҳр

Хабарҳои монанд:

Вопросак

Барои чи Хукумат аз будани Кабирй дар Туркияву Аврупо нола намекунад аз Эрон хафагй дорад?

Ҷавоб диҳед Иқтибос Шикоят

Талбак Хаскашев

Пешниход мекунам; Ирон аз чониби Точикистон тахрими иктисоди карда шавад... Икисоди мо smile

дар дунё баъди Чин дар чойи севвум аст... fellow

Ҷавоб диҳед Иқтибос Шикоят

Нек

Дуруғай гапҳотон озодагон чоп кун ту озод нести

Ҷавоб диҳед Иқтибос Шикоят

Дилноза

Худованд нигохбонат бошад устод Мухидин Кабири

Ҷавоб диҳед Иқтибос Шикоят

joni

Аз ки узр хостанд аз хукумат

Ҷавоб диҳед Иқтибос Шикоят

хандидам

Ба Кабири ку аслан кордор нестам, лекин матлаби зеринро хонда қиссаи наълкунии аспу қурбоққа пеши чашмонам омад, Эрон давлати абарқудрат, соҳиби силоҳи атомӣ, шумо куҷову Эрон кучо, Айоз ҳадди худо бишнос, чоруқот дар болои кос...

Ҷавоб диҳед Иқтибос Шикоят

Бобоева Гуландом

Файзулло Бобоев
Шумо исломшиноси шумораи аввал, исломро шинохтед,вале фалсафаи исломро намедонед. Агар мантики дини мубини исломро медонистнд, хеч гох аз узрхохии эрониён лаб намекушодед.Агар эрониён узрхохи карда бошанд хам, ба маънии он сарфахм хам нарафтед.
Бехтараш ба баргардони китобхои эрониён аз форси ба сириллик машгул мешудед.

Ҷавоб диҳед Иқтибос Шикоят

Мехмон

Дар дунёи ислом Точикистонро бо Саид Абдуллои Нурй (чояш чаннат бошад), оли Турачонзодахо ва Кабирй мешиносанд.

Ҷавоб диҳед Иқтибос Шикоят

чон

Бояд ин се шахсияти дар конфронс иштирок када гапро якта карда баъд ба Точикистон меомадаанд ман медонам аввал аз Чаноби оли метарсед дуум аз мансабатон ва сеюм аз Худо метарсед ОФАРИН

Ҷавоб диҳед Иқтибос Шикоят

Эзоҳ илова кунед