29 дек 2015 16:13Оcиёи Марказӣ / Тоҷикистон

Эълони айб нисбат ба Зарафо Раҳмонӣ бо 2 моддаи Кодекси ҷиноӣ

Додситонии кулли Тоҷикистон нисбат ба Зарафо Раҳмонӣ, мушовири раиси ҳизби фаъолияташ мамнӯи наҳзати исломӣ (ҲНИТ) бар асоси 2 моддаи Кодекси ҷиноятӣ айб эълон кардааст.

Ситора Азизова, вакили дифои хонум Раҳмонӣ имрӯз, 29 декабр дар суҳбат ба “Озодагон” гуфт, мушовири раҳбари ҲНИТ тибқи моддаи 187 қисми 2 (иштирок дар иттиҳоди ҷиноятӣ) ва моддаи 189 қисми 3 (барангехтани кинаю адовати миллӣ, нажодӣ, маҳалгароӣ ва динӣ) муттаҳам мешавад.
“Зарафо Раҳмонӣ пурра бо парванда шинос шуда, зери он имзо гузошт. Ӯ гуфт, худро гунаҳгор намеҳисобад”,-афзуд Азизова.

Зарафо Раҳмонӣ ҳамроҳ бо 12 тан аз фаъолони дигари ҲНИТ баъд аз исёни муовини собиқи вазири мудофиа – Абдуҳалим Назарзода ё “Ҳоҷи Ҳалим” боздошт шуд. Додситонии кулли Тоҷикистон аввалҳои моҳи октябри соли равон гуфт, алайҳи дастгиршудаҳо бо иттиҳоми терроризм, ташкили иттиҳоди ҷиноятӣ, барангехтани кинаю адовати миллӣ, нажодӣ, маҳалгароӣ ва ё динӣ, ба таври зӯроварӣ ғасб намудани ҳокимият ё бо зӯроварӣ нигоҳ доштани ҳокимият, даъвати оммавӣ барои бо роҳи зӯроварӣ тағйир додани сохти конститутсионӣ, исёни мусаллаҳона ва чанд моддаи дигари Кодекси ҷиноятӣ парванда боз шудааст.

Мӯҳр

Хабарҳои монанд:

дониёр

Бовар накарданист

Ҷавоб диҳед Иқтибос Шикоят

Салмон

Худованд ёру мададгори шумо бошад

Ҷавоб диҳед Иқтибос Шикоят

Маъруф

вақте ки аъзои ҳизб буд, он ҳоли иттиҳодияи ҷинояти эълон шуда набуд
нисбати дуюм айб "барангехтани кинаю адовати миллӣ, нажодӣ, маҳалгароӣ ва динӣ", кай ва куҷо ин зани бечора ҳамин корҳоро кард
озод мекардед, хубтар мешуд

Ҷавоб диҳед Иқтибос Шикоят

шамшод

Мувофики дастури Генпрокиратура ном и гумонбархо ба чиноят то баромадани хукми суд ифшо намешуд .Номи ин бечорахо чаро ин кадар расони шудааст.Чаро махфи нигох дошта намешаванд.ё инхо одамони он дунёянд ?

Ҷавоб диҳед Иқтибос Шикоят

Эзоҳ илова кунед