29 дек 2015 11:25Тоҷикистон / Иҷтимоӣ / Тема дня

Душанбе: Сӯхтори маргбор дар бинои баландошёна

Хадамоти оташнишонии Тоҷикистон аз сӯхтори маргбор дар яке аз биноҳои баландошёнаи маркази шаҳри Душанбе хабар дод, ки субҳи имрӯз рух додааст.

Тибқи иттилои ин ниҳод, соати 07:05-и 29 декабр, дар ҳуҷраи №57-и ошёнаи 10-уми бинои истиқоматӣ, воқеъ дар кӯчаи Шотемур 25 сӯхтор ба амал омадааст: “Ҳангоми ба маҳалли ҳодиса расидани оташнишонҳо муайян карда шуд, дар дохили хонаи оташгирифта соҳибхоназан Раҳимова Суфия Зикриолоевна соли таваллудаш 1970, духтараш Раҳимова Суман соли таваллудаш 1995 ва писари соҳибхоназан Ҳаётов Мустафо соли таваллудаш 2010 мондаанд. Дар натиҷаи гузаронидани амалиёти махсуси фаврии оташнишонӣ аз дохили ҳуҷраи оташгирифта, соҳибхоназан бо фарзандонаш бароварда шуданд. Аммо соҳибхоназан Раҳимова Суфия дар натиҷаи заҳролудшавии зиёд аз дуди ғализ дар беморхона ба ҳалокат расидааст”.

Ба иттилои оташнишонҳо, сӯхтор масоҳати 3 метри мураббаъро фаро гирифта, пеш аз паҳншавӣ ба дигар ҳуҷраҳои зист, дар соати 07:37 хомӯш карда шуд. Мутахассисони Хадамоти оташнишонӣ сабаби сӯхторро расиши кӯтоҳи ноқилҳои барқӣ арзёбӣ мекунанд: “Феълан зарар аз сӯхтор муайян карда мешавад”.

Акс аз бойгонӣ

Мӯҳр

Хабарҳои монанд:

камол

шумо чи хел рузноманигоред ки наметавонед рафта як акс аз чои ходиса гиреду мавзуъро сахехтар фахмонед. акси кухнаро мондаву и гуфт фалон гуфт... рузноманигори ин тавр намешад ку. ходиса дар таги биниатон, дар Бадахшон не ку.

Ҷавоб диҳед Иқтибос Шикоят

Дилбар Халилова

"амалиёти махсуси оташнишони" -ро мо хамсоягон надидем, 3 мошини сухторхомушкуни хатто ягон амалиёт надоштанд, оташнишонхо бошанд дар давоми 10-15 дакика дари хонаро кушода натавонистанд, зеро дар даст ягон олоти лозимро надоштанд.... намояндагони холати таъчили бошад баъд аз 35/40 дакика баъд аз ба онхо занг задан пайдо шуданд.......Рахимова Суфияро начот додан мумкин буд.

Ҷавоб диҳед Иқтибос Шикоят

Дилбар Халилова

Рахимова Суфияро начот додан мумкин буд. Оташнишонхо сари вакт бо 3 мошини оташхомушкини омаданд, аммо норбон ба ошенаи 10 боло нашуд, дари хонаи Суфияро бо душвори кушода тавонистан, олоти махсуси дар инхолат истифодабари надоштанд. Кудаконро Рахматшо Тагоев посбони хона начот дод. Барои мо хамсоягон танхо Рахматшо кахрамони нишон дод - хама шохид хастанд.
Намояндагони ёрии таъчили хеле дер пайдо шуданд. Хамсояхо шохиди он хастанд, ки оташнишонхо ба кормандони ерии таъчили занг заданд, вале аз он тарафи гуша бо овози баланд гуфтанд, ки "бензин барои мошин нест"

Ҷавоб диҳед Иқтибос Шикоят

Эзоҳ илова кунед