29 дек 2015 10:27Тоҷикистон / Иҷтимоӣ

Даргузашти муҳаққиқи шинохтаи Шашмақом пас аз садама

Найим Ҳакимов, муҳаққиқи шинохтаи таърихи Шашмақом дар сини 60 даргузашт.

Ӯ 22 декабр дар роҳи мошингарди ноҳияи Варзоб ба садама дучор шуда, шаби 28 ба 29 декабр дар беморхони Қарияи Боло фавтидааст.

Аз Раёсати фарҳанги вилояти Суғд ба “Озодагон” гуфтанд, маросими видоъ бо Найим Ҳакимов ҳамин ҳоло дар назди манзилаш, воқеъ дар маҳаллаи 13-уми шаҳри Хуҷанд ҷараён дорад.

Профессор Найим Ҳакимов аз муҳаққиқони барҷастаи таърихи Шашмақом ва мусиқиву ҳунарҳои миллии тоҷикӣбуда, солҳои охир дар факултаи санъати Донишгоҳи давлатии Хуҷанд ба номи академик Бобоҷон Ғафуров ба ҳайси мудири кафедра кор мекард. Ӯ инчунин раҳбарии “Маркази фарҳангиву маърифатии Суғд”-ро бар уҳда дошт, ки барои эҳёву рушди ҳунарҳои миллии тоҷикӣ, баргузории маҳфилу чорбиниҳо, нашри китобҳо дар бораи мусиқиву ҳунарҳои мардумӣ хидмат менамуд.

Мӯҳр

Хабарҳои монанд:

кухпора

Рухашон шод бошаду хонаи охираташон обод.

Ҷавоб диҳед Иқтибос Шикоят

Бобочон

Олими пуркор ва инсони хеле замини буданд, чояшон чаннат бошад!

Ҷавоб диҳед Иқтибос Шикоят

Лукмон Бойматов

РУХАШОН ШОДУ ЁДАШОН ГИРОМИ БОД!

Хабари даргузашти нобахангоми бародари азизамон доктор Найимчон Хакимов чунон сангину чонсуз аст, ки ба душвори ба бовархо менишинад, вале дар баробари такдири хазрати парвардигор чорахои чузъ таслиму ризо нест.
Хомуш шудани ин шамъи нурониро хидмати хонаводаи мухтарами эшон ва ба тамомии ахли илму хунари кишвар таслият арз мекунем.
Аз Худовандои яккаву ягона рафъи дарачоти он бузургвор дар бихишти аъло ва магфирату рахмати парвардигори бехамто барояшон, сабри чамил ва тули умри бозмондагони он мархум хамрох бо саломативу бехрузи ва хусни окибаташон хохонем.
Худованди якто карини рахматашон фармояд!
Бо арзи таслият,
Лукмон Бойматов ва Тухфа Иброхимова
(29. 12. с. 2015, Шветсия - Суед)

Ҷавоб диҳед Иқтибос Шикоят

Эзоҳ илова кунед