28 дек 2015 16:19Тоҷикистон / Сиёсат

Сафир дар бораи сабти “Россия сегодня” дар Тоҷикистон: Ҳанӯз умед ҳаст...

Игор Лякин-Фролов, сафири Русия дар Душанбе сабти номи хабаргузории “Россия сегодня”-ро дар Тоҷикистон масъалаи дарднок хонд, ки бо гузашти як сол ҳал нашудааст.

Фролов имрӯз, 26 декабр дар мулоқот бо хабарнигорон дар Душанбе гуфт, барои суръат додани сабти номи намояндагии “Россия сегодня” дар Тоҷикистон чанд маротиба ба Вазорати умури хориҷӣ муроҷиат кардаанд: “Аммо то ҳол посухи дақиқе нагирифтаем. Танҳо шарҳ медиҳанд, ки масъала дар ҳоли баррасӣ ҳаст. Дар ҳамин ҳол як сол гузашт”.

Сафири Русия дар идома изҳор дошт, ҳанӯз умед доранд, ки ин масъала ҳал мешавад, чун ба гуфтаи ӯ "умед аз ҳама охир мемирад".

Игор Лякин-Фролов мегӯяд, роҳбарияти “Россия сегодня” тасмим гирифтааст, барои инъикоси масоили Тоҷикистон сомонаро на бо домени тоҷикӣ - tj, балки бо домени sputnik.tajikistan.com фаъол кунад: “Дар Тоҷикистон чанд хабарнигоре мемонанд, ки бо "Россия сегодня" ҳамкорӣ хоҳанд кард”.

Ин дар ҳолест, ки ахиран масъулини “Россия сегодня” эълон карданд, аз азмашон барои ифтитоҳи намояндагӣ дар Душанбе даст кашида, бархе аз хабарнигоронро аз аввали соли нав ҷавоб хоҳанд дод.

Мӯҳр

Хабарҳои монанд:

Хоркаш

Сафир лофи беҳуда мезанад.
Дар асл Россия сегодня пуле надорад дастгоҳи марказии худро таъмин кунад, ҳоло сарашон дар бало мондаги, ки ин кадар журналисту репортерхои хоричиеро ки ба кор гирифтаанд чи тавр хакки корашонро пардохт кунанд. Барои фахмидани таги масъала хамин кофист, ки бидонем як журналист ё диктори хоричи дар Россия сегодня дар як моҳ зиёда аз 5 ҳазор доллар фақат маош мегирад.
Ин хамааш бахона аст сабти ном накардан. Россия сегодня алакай ба фурухтани активҳояш оғоз кардааст. Зинда бод кризис!!

Ҷавоб диҳед Иқтибос Шикоят

Хилватшоҳ Маҳмуд

Оқои Хоркаш, "саломат" бошеду хоркаширо идома бидиҳед.
Як солу бештар аз он банда дар ҳамин расона ифои фаъолият дорам. Ба кризису лофи сафир коре надорам, аммо ба самъи шарифатон мерасонам, ки:
"5 ҳазор доллар дар як моҳ маоши се хабарнигори бахши тоҷикӣ, инфографик, муҳаррири масъул, муҳосиб ва суратгир дар якҷоягӣ мебошад. Яъне, ҳаққулзаҳмати 7 нафар".
Аҷаб замонае даррасида, ҳама дар тӯҳмату дурӯғгӯйӣ дасти тамом пайдо кардаанд. Худо аз ин бад накунад...Хоркаш,

Ҷавоб диҳед Иқтибос Шикоят

Эзоҳ илова кунед