24 дек 2015 09:50Тоҷикистон / Фарҳангу адаб / Тема дня

Ҷӯрабек Муродов: Зодрӯзамро бо тамоми мардуми Тоҷикистон ҷашн мегирам

Ҷӯрабек Муродов, овозхони номовари тоҷик мегӯяд, мавлудашро бо тамоми мардуми Тоҷикистон таҷлил мекунад.

Ӯ имрӯз, 24 декабр дар суҳбат ба “Озодагон” гуфт, аз шоми дирӯз аллакай ба қабули паёмҳои табрикӣ машғул аст: “Аз Русия, Туркманистон, Қирғизистон, Узбекистон аз ҳар гӯшаву канор телефон карда, табрик мекунанд”.

Ҷӯрабек Муродов мегӯяд, худро фарзанди мардуми тоҷик медонад ва аз ин рӯ мавлудашро бо тамоми мардум ҷашн мегирад.

Шанбеи 26 декабр дар Филармонияи давлатии Тоҷикистон барномаи ҳунарии Ҷӯрабек Муродов таҳти унвони “Мухлисони қадрдонам” баргузор мешавад. Оқои Муродов мегӯяд, ин 54-умин шаби эҷодии ӯ хоҳад буд.

Ҷӯрабек Муродов 24 декабри соли 1942 дар ноҳияи Айнии Тоҷикистон ба таваллуд шудааст. Эҷодиёти Ҷӯрабекро таронаҳо бо забони арабӣ, русӣ, озарӣ, гурҷӣ, арманӣ, қирғизӣ ва ҳато ҷопонӣ ташкил медиҳанд. Соли 1975 бо мукофоти комсомолии ленинии Тоҷикистон қадрдонӣ шуд. Ҳунарманди мардумии Тоҷикистони Шӯравӣ (1974), ҳунарманди мардумии СССР (1974) мебошад.

Вай шаҳрванди ифтихории шаҳрҳои Самарқанд (1980), Бухоро (1980) ва Нурато (1982) аст.

Соли 1987 ҷоизаи ба номи Абуабдуллоҳ Рӯдакиро гирифт. Ҳамон сол 1987 ҷоизадори нишони тиллои Анҷумани мусиқии Ҷопон шуд. Соли 2011 дар Амрико ҷоизаи “Чеҳраи мондагор”-и озмуни Big Apple Music Awards-ро ба худ ихтисос дод.

Теъдоди таронаҳои Ҷӯрабек Муродов кайҳост, ки марзи 1000-ро гузаштааст. Вай дар ҳайати гуруҳҳои консертии мухталиф ба кишварҳои мухталифи дунё сафари ҳунарӣ анҷом додааст. Барои мисол Афғонистон (солҳои 1966, 1979, 1982), Канада (1967), Булғористон (1968), Белгия (1969), Эрон (1972, 1996), Ҳиндустон (1976, 1985), Покистон (1976, 1985), Сурия (1977), Ироқ (1977), Австрия (1975, 1990, 1993), Ливан (1973), Италия, Малта, Кипр, Миср (1973), Ҷопон (1982, 1987), Тайланд (1986), ИМА (1989, 1991, 1993, 1995), Исроил (1993), Туркия (1995), Аморати муттаҳидаи Араб (1997) ва ғайра.

Мӯҳр

Хабарҳои монанд:

Точики Афгонистон

Забони афгони кадом бошад?

Ҷавоб диҳед Иқтибос Шикоят

Инсон

Зодруз муборак, устод!

Ҷавоб диҳед Иқтибос Шикоят

хабиб

Устоди Азиз ба сад дароед ва мо хамрохи Шумо бошем.
Хабиб

Ҷавоб диҳед Иқтибос Шикоят

Саид

Барои инхо танзин нест магар?, ки зодрузашонро дар тамоми Точикистон чашн мегирад!

Ҷавоб диҳед Иқтибос Шикоят

носирй

Зодруз муборак устод Джурабек!

Ҷавоб диҳед Иқтибос Шикоят

Хамватан-Хамза

Вокеан ин шахсияти бузург махал надорад. Зеро уро дар тамоми Точикистон бо сурудхояш, ки овози шево ва форамаш ба умки дилхо мебарад, медонанд ва эхтиром мекунанд. Зихи устоди азиз, ки симо, овоз ва рафтори худ Вахдати дилхо, халкхо ва чахониён аст. Туро Худованд танхо барои сахна офаридааст ва ту зеби сахнаи дилхои......

Ҷавоб диҳед Иқтибос Шикоят

Эзоҳ илова кунед