14 дек 2015 10:21Тоҷикистон / Иҷтимоӣ

“Алвидоъ, додарҳоям”. Худкушии саррофе, ки 120 ҳазор сомонӣ ҷарима шуд

Алихон Азимов, як саррофи 32-солаи бозори “Фаровон”-и Душанбе худкушӣ кардааст. Ин ҳодиса баъди чанд рӯзи 120 ҳазор сомонӣ ҷарима шудани ӯ иттифоқ афтодааст.

Олим Азимов, бародари Алихон ба “Озодӣ” гуфтааст, далели худкушии бародарашро намедонанд: “Намедонам, чаро бародарам даст ба чунин кор зад”, аммо ба гуфтаи ӯ, қабл аз суиқасд ба ҷонаш дар як коғаз навиштааст, ки "ҳисобу китобҳоро баробар кунед, хонаҳоро бифурӯшед ва қарзи мардумро диҳед, додарҳоям, алвидоъ, додарҳоям".

Ҷасади ин сарроф, ки 8 соли ахир дар Бозори “Фаровон” фаъолият дошта, чор фарзанд доштааст, дар зодгоҳаш -- деҳаи Қарағочи ҷамоати Тугараки ноҳияи Восеъ ба хок супурда шудааст. Олим Азимов гуфтааст, шаби фоҷиа (шаби якшанбе ба душанбеи ҳафтаи гузашта) яке аз писарҳои Алихон ҳамроҳи падараш хоб будааст ва зану фарзандони дигараш ҳам дар манзил ҳузур доштаанд. Ба гуфтаи Олим Азимов, "тақрибан соатҳои 1:20-и шаб, писари Алихон саросема ба хонаи мо омад ва бедорамон кард, ки “отам худро кашол кард”.

Ба гуфтаи бародари ин сарроф, дар мактуби қабл аз худкушӣ танҳо “ҳисобу китобҳоро баробар кунед, хонаҳоро бифурӯшед ва қарзи мардумро диҳед, додарҳоям, алвидоъ, додарҳоям" навишта шуда ва дар он гуфта нашудааст, аз кӣ ва чӣ миқдор пул қарздор аст. Алихон Азимов дар пайи баста шудани нуқтаҳои муболидаи асъор 120 ҳазор сомонӣ ҷарима шудааст ва ба қавли бародараш дар ҳолати изтироб қарор дошт. Ба гуфтаи Олим Азимов, ҳоло барои иҷрои васияти бародараш, ҳам хонаи худ ва ҳам хонаи бародари марҳумаш ва ҳам хонаи яке аз бародарони дигарашро ба фурӯш гузоштаанд.

Мӯҳр

Хабарҳои монанд:

мухочир

Холати тамоми миллати точик хамин шудааст дигар рох надоранд.

Ҷавоб диҳед Иқтибос Шикоят

Саидчон аз Ёкутистон

"ОФАРИН" Хукуматдорони мо!!! Хамин хаст рохи аз миллат халос шудан. Шарм мебояд кард бо ин тарзи хукумрони....

Эй забардасти зердастозор
Гарм то кай бимонад ин бозор?
Ба чи кор оядат чахондори?
..........бех,ки мардумозори

Ҷавоб диҳед Иқтибос Шикоят

Курбон

мебоист бо вазири молияву, рохбарони бонки миллии Точикистон ва блоки иктисодии хукумат алвидоъ мегуфтем, то аз вазифа мерафтанду чойи онхо кадрхои чавобгуи талаботи руз руи кору вазифа меомаданд.

Ҷавоб диҳед Иқтибос Шикоят

Рустам

Худованд уро бубахшад ва дуъо мекунем ки хонаи охираташ лоакл обод бошад.

Ҷавоб диҳед Иқтибос Шикоят

иктисод идора

Алекс чунин ном дошт ин дусти мо. чавони хеле хушсухану рахмдил буд. худо рахмату магфираташ кунад.

Ҷавоб диҳед Иқтибос Шикоят

Эзоҳ илова кунед