13 нишони тиллои варзишгарони тоҷик дар Қазоқистон
Рӯзи аввали мусобиқа бузургсолон бо ҳам рақобат карданд. Дар сабқати самбои варзишӣ Акмалиддин Каримов (52 кг), Нозимҷон Охиров (62 кг), Мустафо Ҳасанов (68 кг), Деваштич Ҳабибов (74 кг), Ҷумъахон Назриев (90 кг), Шамшод Абдуллоев (100 кг) ва Набимуҳаммад Хоркашев (+100 кг) унвони қаҳрамони Осиёро ба худ ихтисос дода, соҳиби медалҳои тилло гардиданд. Ардашер Исмоилов (52 кг) бо нишони нуқра ва Муҳаммадҷон Зоидов (82 кг) бо медали биринҷӣ мукофотонида шуданд. Азиза Азизова (72 кг) ва Дилбар Султонова (80 кг) дар қувваозмоӣ миёни занҳо соҳиби медалҳои нуқра шуданд.
Рӯзи дуюми мусобиқа навҷавонону духтарон аз рӯи самбои варзишӣ ва мардон оид ба самбои размӣ дар вазнҳои 62, 82 ва +100 килло зӯрозмоӣ карданд. Гуштигирони ҷавони тоҷик дар ҳамаи нӯҳ вазн медал ба даст оварданд. Унвони қаҳрамони Осиё ва медалҳои тилло насиби Мубориз Мунавваров (68 кг), Мирзошариф Исматов (74 кг), Суруш Каримов (82 кг) ва Саидмуъмин Шомаҳмадов (100 кг) гардид. Се нафари дигар – Ҷомӣ Ҳасан (52 кг), Ёқубҷон Раҳматов (62 кг) ва Рашид Зиёбеков (90 кг) – медалҳои нуқра гирифтанд. Ба ду паҳлавони ҷавони тоҷик - Сорбон Латифов (57 кг) ва Салимбек Салимбеков (беш аз 100 кг) -медалҳои биринҷӣ супурда шуд.
Рӯзи охирини мусобиқа бошад, наврасон (духтарону писарон) оид ба самбои варзишӣ ва мардон аз рӯи самбои размӣ дар вазнҳои 57, 68 ва 90 кг қувва озмуданд. Масъуд Куканшоев (дар вазни 48 кг), Саиднабӣ Камолов (65 кг) нишони тилло, Сайриддин Шоев (60 кг), Шарифҷон Назриев (87 кг) нуқра ва Зафарҷон Алиев (56 кг), Алӣ Шарифов (70 кг), Эмомҷон Камолов (81 кг) медалҳои биринҷии мусобиқотро соҳиб шуданд. Далер Ниёзов дар сабқати самбои размӣ миёни мардон дар вазни то 90 кг барои ҷойи дувум бо медали нуқра сарфароз гашт. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
