10 дек 2015 09:30Тоҷикистон / Сиёсат / Рӯ ба рӯ / Тема дня

Ҷамол Назаров, бародари фирории “Ҳоҷӣ Ҳалим” боздошт шудааст

Ҷамол Назаров, бародари 39-солаи генерал Абдуҳалим Назарзода ва маъруф бо лақаби “Ҳоҷӣ Ҳалим” ду рӯз қабл боздошт шудааст.

“Озодӣ” бо такя ба манбаи худ дар мақомоти интизомии кишвар хабар медиҳад, ки бародари “Ҳоҷӣ Ҳалим”-ро рӯзи 8 декабр аз ҳудуди ноҳияи Рӯдакӣ дастгир кардаанд. Ҷамол Назаров, яке аз шаш бародари Абдуҳалим Назарзода буда, баъди ҳамлаҳои субҳи 4 сентябр дар Ваҳдат ва Душанбе, ки мақомот ташкилкунандаи онро “Ҳоҷи Ҳалим” гуфт, нопадид гардид. Манбаи “Озодӣ” гуфтааст, “Ҷамол Назаров давоми се моҳ дар манзили зисти нафаре бо номи Ғоиб дар ҳудуди колхози собиқ Россияи ноҳияи Рӯдакӣ пинҳон будааст”.

Ба иттилои ин манбаъ, ӯ талош дошта, рӯзҳои наздик бо роҳи кочоқӣ аз Тоҷикистон фирор кунад. Наздикони Абдуҳалим Назарзода боздошти Ҷамолро тасдиқ карда, гуфтанд, дар боздоштгоҳи Кумитаи давлатии амнияти миллӣ нигаҳдорӣ мешавад.

Аз шаш бародари “Ҳоҷӣ Ҳалим” ба гуфтаи мақомот, Мирзокарим, Абдураҳим ва Мирзоҳаёт ҳангоми музокирот миёни неруҳои ҳукуматӣ бо гуруҳи бародарашон дар дараи Ромит кушта шудаанд. Мақомот ду бародари дигари ӯ -- Ҷамол ва Салимро дар ҷустуҷӯ қарор доданд. Ҳоло сарнавишти Салим Назаров маълум нест. Ғолиб, бародари хурдии “Ҳоҷӣ Ҳалим” солҳост дар Русия кору зиндагӣ мекунад ва ҳеч талош барои боздошти ӯ сурат нагирифтааст.

Абдуҳалим Назарзода, ки то рӯзи ҳамлаҳои рӯзи чоруми сентябр муовини вазири мудофиаи Тоҷикистон буд, дар қасди талоши сарнагун кардани сохти конститутсионӣ муттаҳам шуд. Ӯ ҳамроҳ бо чанд тани дигар дар дараи Ромит кушта шуд.

Мӯҳр

Хабарҳои монанд:

Ситора

Агар бегунох бошад озодаш кунед

Ҷавоб диҳед Иқтибос Шикоят

Darvesh

Dar yagon oila 6 barodar yagon vaqt hamfikr nameshavand! Mumkin begunoh boshad. Ozodash kuned. Ravuoi barodari khub mumkin rafta meomad, ammo dar kushtor gunoh nadorad ozodash kuned!!!!!

Ҷавоб диҳед Иқтибос Шикоят

Аҳмад

Чаро ягон маротиба коршиносони сиёси барраси намекунад, ки чаро Ҳоҷи Ҳалиб ин ҳаракатро анҷом дода аст? дар сурате, ки Ӯ яке аз беҳтарин ҷойгоҳҳо ва мақоми кориро доштааст ва аз назари молиу иқтисодиҳам мушкил надоштааст. кори уро фақат дар як хиёнат бад зидди давлат маҳсуб карда вале реша ёби накардаанд ки чаро ин иттифоқот афтодааст ва ҳамчунин чаро дигари дар он мақом тоҷикистонро раҳо карда ба сафи Доиш ба хоки сурия роҳ сипар мешавад ва решаи инҳоро коршиносон дар чи мебинанд?

Ҷавоб диҳед Иқтибос Шикоят

кова

ин Чамолиддин як кишоварз буд у ро чи ба сиёсат
ангуру мохи хояш бозорои шахр ро пур мекард мехнати буд
бо кадом гунох боздошташ кардан.

Ҷавоб диҳед Иқтибос Шикоят

Эзоҳ илова кунед