03 дек 2015 10:27Тоҷикистон / Иқтисодӣ / Тема дня

Корхонаи тиллои "Зарафшон" дучори мушкили молӣ шудааст

Кумитаи андози Тоҷикистон дар пайи як баҳси молӣ суратҳисоби корхонаи муштараки “Зарафшон”-ро, ки ба истихроҷи тилло машғул аст, маҳдуд кардааст. Дар ин бора Исмоил Зарифӣ, як корманди корхонаи мазкур ба “Озодагон” иттилоъ дода, афзуд, “давоми як моҳ ягон навъи маҳсулот ба корхона ворид нашудааст ва як сомонии ба суратҳисоби корхона гузаштаро Кумитаи андоз мегирад”.

Оқои Зарифӣ гуфт, кормандон маоши моҳи октябрро нагирифтаанд: “Танҳо шӯъбаи хуроки умумии корхона давоми ин қазия аз бозору мағозаҳо 500 ҳазор сомонӣ қарздор шудааст”.

Чун Ша Дин, раҳбари корхона ҳам дар як суҳбати телефонӣ таъйид кард, ки бо далели дар ҳисоб набудани маблағ кормандон ҳақмузди худро нагирифтаанд. Ӯ гуфт, барои ҳалли ин мушкил ба Душанбе омадааст ва қарор аст бо намояндаҳои Кумитаи андоз мулоқот намояд.

Сабаби маҳдуд шудани суратҳисоби корхонаи “Зарафшон” 200 миллион сомонӣ қарзи он аз ҳисоби андоз гуфта мешавад. Талошҳо барои дарёфти шарҳи масъулини Кумитаи андоз то ин вақт бенатиҷа буд.

Корхонаи муштараки Тоҷикистону Чин -- “Зарафшон” дар ноҳияи Панҷакенти вилояти Суғд ҷойгир буда, яке аз корхонаҳои бузурги истихроҷи тилло ба шумор меравад.

Мӯҳр

Хабарҳои монанд:

Саври

Чао Кумитаи андоз руйхати муфлисшудагонро зиёд кандан мехохад? Ин Кумита ба фоидаи кадом давлати хамсоя кор карда истода бошад, ки рохро барои кашшоккунии бучаи Точикистон мекушояд. Ман якинам, ки ин кор ба фоидаи Точикистон нест. Зеро бо чунин бастани суратхисобхо ва аз фаъолият бозмондани корхонаи бузург хам сафи бекорон меафзояду хам буча холи мешавад.

Ҷавоб диҳед Иқтибос Шикоят

bobo

Панчакент нохия не шахр тотун!!!

Ҷавоб диҳед Иқтибос Шикоят

Мунаққид

Панҷакент ноҳия не, шаҳр аст ТАҒО

Ҷавоб диҳед Иқтибос Шикоят

Зариф

Вакте сухан дар бораи худи шахр меравад, шахри Панчакент мегуянд, вале сухан дар бораи мавзеъхои атрофи он меравад, нохия мегуянд. Заводи тиллои Зарафшон дар нохияи Панчакент чойгир аст, на дар шахри Панчакент. Ин корхона дар шахраки Таррори нохияи Панчакент чойгир аст.

Ҷавоб диҳед Иқтибос Шикоят

шахрванд

Панчакент нохия аст шахри Панчакент бошад маркази нохия аст мухтаррам мунаккид. Хаминчабаям шахригихотона мекунед дия..

Ҷавоб диҳед Иқтибос Шикоят

Benom

Баъд аз соли нави милоди навбати муфлис шудани Точикистон!!!!!!!!!.

Ҷавоб диҳед Иқтибос Шикоят

Эзоҳ илова кунед