30 ноя 2015 15:51Тоҷикистон / Иқтисодӣ / Тема дня

Раиси Бонки миллӣ гуфт, саррофиҳо аз усулҳои ҳаннотӣ ва қаллобӣ истифода мебаранд...

Ҷамшед Нурмуҳаммадзода, раиси Бонки миллии Тоҷикистон иллати дар як муддати кутоҳ болоравии қурби долларро дар ҷумҳурӣ ба паст будани масъулият ва аз ҷониби ташкилотҳои қарзӣ ба дараҷаи зарурӣ ба роҳ монда нашудани назорат аз болои кори нуқтаҳои мубодилаи асъор унвон кардааст. Ӯ ин нуктаро дар ҷаласае оид ба вазъи феълии бозори дохилии асъор иброз доштааст.

Дафтари матбуоти Бонки миллӣ мегӯяд, дар ин ҷаласа вазъи феълии бозори дохилии асъор, сабабҳои баланд шудани қурби доллари ИМА ва роҳҳои ба эътидол овардани ҳолати баамаломада, пешгирӣ кардани омилҳои ҳаннотӣ ва қаллобӣ ҳангоми анҷом додани амалиётҳои хариду фурӯши асъор ба таври ошкоро ва ҷиддӣ баррасӣ гардидааст. Раиси Бонки миллӣ гуфтааст, “бо вуҷуди беҳтар шудани сатҳи хизматрасонӣ дар бонкҳо мушкилот ҳамоно дар самти назорат аз болои амалиётҳои марбут ба мубодилаи асъори хориҷӣ, ҷалби амонатҳо ва пешниҳоди қарзҳо ба аҳолӣ ҳодисаҳои ташвишовар ба қайд гирифта шудаанд”.

Ба қавли оқои Нурмуҳаммадзода, аз ҳолати беназоратӣ аз болои мубодилаи асъори хориҷа кормандони нуқтаҳои мубодилаи асъор аз усулҳои ҳаннотӣ ва қаллобӣ моҳирона истифода бурда, бидуни ягон асос қурби асъори хориҷиро баланд бардошта, даромади муфт ба даст оварданд.

Нигаронии Нурмуҳаммадзода аз болоравии қурби доллар дар ҳолест, ки дар саррофиҳои кишвар як доллар 7,35 харида ва 7,45 сомонӣ фурухта мешавад.

Мӯҳр

Хабарҳои монанд:

бизнесмен

О хаму долара бархам дода намешавад бархам тиен.

Ҷавоб диҳед Иқтибос Шикоят

бе ном аздаси долар

ЭЭЭЭ бовар кунед ами кормандони нуқтаҳои мубодилаи асъор зараэ инсофашон намондаги ман намедонам чи гуям.............

Ҷавоб диҳед Иқтибос Шикоят

Салим

Окои Чамшед агар аз дасти саррофон боло ё поён бурдани пули як мамлакат меомад барвакт ин саррофонро Чорч Шорош ё биржахои мамлакатхои гуногун ба кор даъват мекарданд.Вале онхо ба хеч кас даркор нестанд.ва ин як накша буд барои бозори арзро ба даст овардан тамом ва салом!.Ногуфта намонад омилхои болоравии курби арз гуногунонд ки хамаи мо нагз медонем.

Ҷавоб диҳед Иқтибос Шикоят

Душанбе

Ин хел ки бошад чаро кормандони макомотхои дахлдор зидди калобон мубориза намебаранд? Ман фикр мекунам, ки мубориза он кадар кори душвор нест! Аз сафи кормандони макомотхои дахлдор ва чомеаи шахрванди 3-4 гурух чамъ оварда дар хафтае як маротиба "РЕЙД" гузаронанд, то ки калобии кормандони нуктахои мубодилаи асъорро ошкор намуда, ба чавобгари кашанд!

Ҷавоб диҳед Иқтибос Шикоят

Эзоҳ илова кунед