25 ноя 2015 12:45Оcиёи Марказӣ / Тоҷикистон

Эълони 2 унвони нави Э.Раҳмон тариқи шабакаҳои давлатӣ (АКС)

Зимни гузориши телевизионӣ аз тантанаҳои идона ба муносибати Рӯзи Парчами давлатӣ, ки бегоҳи 24 ноябр дар ҳузури Эмомалӣ Раҳмон, раисиҷумҳури Тоҷикистон ва 16 ҳазор нафари дигар дар Наврӯзгоҳи пойтахт доир гардид, ду унвони нави раҳбари Тоҷикистон эълон карда шуд.

Дар гузориш, ки тариқи ҳамаи шабакаҳои давлатии телевизиони Тоҷикистон пахш гардид, Эмомалӣ Раҳмон пешвои миллат ва асосгузори сулҳу ваҳдати миллӣ муаррифӣ гардид.

Раисиҷумҳури Тоҷикистон дар маросими таҷлили Рӯзи Парчами давлатӣ изҳор дошт, ки "вақте ки дар ин ё он гӯшаи олам парчами тоҷикон ба ифтихори дастовардҳои варзишиву фарҳангии фарзандони Ватанамон афрохта мегардад, сари мо – тоҷикон баланд мешавад ва обрӯи Тоҷикистон дар арсаи байналмилалӣ боз ҳам мустаҳкам мегардад".

Эмомалӣ Раҳмон таъкид намуд, ки "қарзи шаҳрвандии мост, ки эҳтироми рамзҳои давлатӣ, аз ҷумла парчамро ба ҷо орем, ҳамеша ва дар ҳама ҷой онро гиромӣ дорем, барои ҳимояи он ва поку муқаддас доштани он бо тамоми ҳастӣ омода бошем, зеро пос доштан ва ҳимоя кардани Парчами миллӣ бо ҳифзи Ватан, падару модар, аҳли хонавода ва пос доштани суннатҳои халқи худ баробар аст".

Мӯҳр

Хабарҳои монанд:

Суман

Мегуянд ки дар хамин Иди Парчам Чумхурии Точикистон кариб 10 млн сомони сарф карда аст Ин гап рост аст Занакхои хамсоя гуфтанд илтимос чоп кунед Бифахмем

Ҷавоб диҳед Иқтибос Шикоят

чавон

Унвони нав муборак Чаноби оли мо чавонон сиёсати шуморо дастгири мекунем. Хаминро бояд кайд намоям мо барин баъзе чавоно бо дипломи аъло донишгохро тамом кардем, вале аз сабаби камбагали ва бешинос буданмон бечои кор мондем. Хуб мешуд ин мушкилот халли худро ёбад. Илохо хамеша Сарвари окилу донои мо бимонед.

Ҷавоб диҳед Иқтибос Шикоят

абу саид

хааааааа, бо хаму савсатаи бехуда

Ҷавоб диҳед Иқтибос Шикоят

мансур

зиндабош мухтарам чаноби олии эмомали рахмон

Ҷавоб диҳед Иқтибос Шикоят

Камол

Ба чои 10 млн сомони сарф кардан 1 Завод й ягон фабрика соз кунед Мардикорон бо чои кор тамин шаванд намешавад Бовари бикун пеши Бозори Гипразем й Зелйни мерави Мардикоронро мебини Рахмат меояд 1 мошин меояд 20 нафар ба назди мошин медаванд Барои чои кор

Бам чавон хамин хел посух медихам ки акалан 2 й 3 хазор долар чам бикун бад Чои кор меёви Давлати Демократияш хамин

Ҷавоб диҳед Иқтибос Шикоят

ОВОРА

дар точикистони мо хушоматгуи ба дарачаи оли расидааст!

Ҷавоб диҳед Иқтибос Шикоят

Ganj

Ба Мансур,

Аз рӯи қонуну қоидаи забони тоҷикӣ ин гуфтаи шумо мазмуни тамоман дигар дорад. Бори дигар хонеду фаҳмед.

Ҷавоб диҳед Иқтибос Шикоят

Эзоҳ илова кунед