05 ноя 2015 17:58Тоҷикистон / Сиёсат

Э.Раҳмон гуфт, аз дурии солҳо дурустии роҳи интихобшуда аёнтар аст

Эмомалӣ Раҳмон, раисиҷумҳури Тоҷикистон мардуми кишварро бо 21-умин солгарди қабули Сарқонун, ки 6 ноябр таҷлил мегардад, табрик гуфта, ба хонадони ҳар фарди кишвар сулҳу оромӣ, иқболу хушбахтӣ ва файзу баракат орзу намуд.

Эмомалӣ Раҳмон дар паёми табрикияш Сарқонунро чароғи роҳнамо ва бахтномаи халқ хонда, таъкид намуд, ки бо қабули Конститутсия халқи Тоҷикистон дар айёми ниҳоят ҳассоси таърихӣ бори дигар исбот кард, ки ҳеҷ гуна душвориву мушкилот, аз ҷумла ҷанги даҳшатбори ба сари давлат ва мардуми Тоҷикистон таҳмилшуда наметавонанд сокинони сулҳдӯсту созандаи кишвари моро аз роҳи ҳақиқату ростӣ, эъмори давлати муосири миллӣ ва фаъолияти бунёдкорона берун созанд.

Раисиҷумҳури Тоҷикистон мегӯяд, майлу иродаи қавии мардум ҳангоми қабули Конститутсия роҳбарияти давлат ва Ҳукуматро ба шоҳроҳи азими дигаргунсозиҳои сиёсиву иҷтимоиву фарҳангӣ ва созандагиву бунёдкорӣ раҳнамун сохт, ки натиҷаҳои ин раванди нек ба ҳама маълуманд: “Дар асоси меъёрҳои конститутсионӣ кафолати таъмини амалишавии ҳуқуқу озодиҳои инсон ва ҳифзи онҳо меҳвари асосии сиёсати давлат эътироф гардида, дар Тоҷикистон заминаҳои ҷомеаи шаҳрвандӣ ташаккул ёфтанд, ки ин шаҳодати амалишавии ҳамаҷонибаи принсипи гуногунандешии сиёсӣ ба шумор меравад”.
Ба гуфтаи Эмомалӣ Раҳмон гузашти солҳо ҳар қадар моро аз қабули ин ҳуҷҷати тақдирсоз дур мебарад, дурустии интихоби роҳи бунёди давлати демокративу ҳуқуқбунёд ва дунявӣ ҳамон қадар возеҳу аён мегардад.

Раисиҷумҳури Тоҷикистон дар охир таманно кардааст, ки бигзор Конститутсия абадан чароғи роҳнамо ва муайянкунандаи самти роҳи пешгирифтаи давлату миллат ва муттаҳидкунандаи ҷомеаи навини Тоҷикистон бошад.

Мӯҳр

Хабарҳои монанд:

Донишчу

Чаноби Сарвар вокеан дар сухан гуфтан шумо шоиред инкадар суханхои олимона хато булбул аз ширинии суханатон маст мешавад. Овозатон хаста набошад лекин рости гапро гуям имруз конун барои камбагалхо барои одамони давлати конун монанди когази сафед аст ки чизеро намебинад бисёр хукукхои конунии моро ман кардет ахсант ба шумо. Озодагон умедворам конуни суханхои моро руи чоп мебиёри. Хамаро ба рузи сарконун табрик мекунам

Ҷавоб диҳед Иқтибос Шикоят

Точикам

як бор чашматонро кушоед бубинед ки конституция барои ки хаст да точикистон???

Ҷавоб диҳед Иқтибос Шикоят

Понтбек

Бла бла бла

Ҷавоб диҳед Иқтибос Шикоят

Ризвон

Бисёр рохи хубро пеша кардаем, махалгарои, дузди, каллоби.

Ҷавоб диҳед Иқтибос Шикоят

Эзоҳ илова кунед