16 сол-ҳабси Саидов барои қочоқи героин бо арзиши 800 млн (АКС)
Додгоҳи вилояти Астрахан Саидов Илҳом, шаҳрванди 26-солаи Тоҷикистонро барои интиқоли 82,5 кило героин ба 16 соли зиндони низомаш сахт маҳкум кард.
Тибқи иттилои Хадамоти федералии мубориза бо гардиши маводи мухаддири Русия Саидов ин миқдор героинро бо мошини боркаш тобистони соли гузашта аз Тоҷикистон ба назди Маскав интиқол додааст: “Ин мошин аз санҷиши мақомоти назоратии се кишвар гузашт, вале ягон ниҳод героинро дарёфт карда натавонистааст. Танҳо баъди он, ки сӯзишвории мошин ба зарфҳо рехта шуд, моддаи сафеде таҳшин гардид, ки ба хулосаи ташхисгарон героин мебошад”.
Ба иттилои манбаъ дар 180 литр сӯзишворӣ 50 кило героин ва 32,5 кило героини боқимонда дар дохили таҷҳизоти мебелӣ дарёфт гардидааст.
Хадамоти федералии мубориза бо гардиши маводи мухаддир ҳисоб кардааст, ки героини интиқолдодаи Саидов дар бозори сиёҳ 800 миллион рубл арзиш дорад.
Мӯҳр
ТАҚВИМ
« Апрел 2025 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | |