Хонум Ҳилларӣ Клинтон дар маркази исмоилиёни Душанбе

Дар «Маркази фарҳангии исмоилиён»-и шаҳри Душанбе мулоқоти вазири умури хориҷаи ИМА бо намояндагони ҷомеаи шаҳрвандӣ ва мадании Тоҷикистон идома дорад.

---

Тибқи иттилои хабарнигори «Озодагон», ки дар ин маҳфил- вохӯрӣ бо бону Ҳилларӣ  Клинтон ширкат дорад, дидори Клинтон аз Тоҷикистон маҳз бо мулоқоти институти шаҳрвандӣ шурӯъ гардидааст, ки ин «омили мусбӣ»-и сафари ӯ маҳсуб мегардад.

Ёдрас менамоем,  Ҳилларӣ Родҳэм Клинтон, вазири умури хориҷаи ИМА шоми дирӯз (21-уми октябр, соати 20-00) вориди Душанбе гардид.Меҳмони олиқадрро дар фурудгоҳи пойтахт Ҳамрохон Зарифӣ, вазири умури хориҷаи Тоҷикистон ва ашхоси баландпояи ҳукумати кишвар истиқбол карданд. Ҳамзамон, дар маросими пешвозгирии котиби давлатии Амрико, фиристодаи вижаи ИМА дар Осиёи Миёна ва Осиёи Ҷанубӣ- Роберт Блейк ва сафири ИМА дар ҶТ- Кеннет Гросс ширкат доштанд.

Виктория Нуланд, сухангӯи Котиби давлатии ИМА бо пахши як баёния ба расонаҳои Тоҷикистон иброз доштааст, ки Ҳилларӣ Клинтон рӯзҳои 22 ва 23 октябри соли 2011 ба Тоҷикистон ва Ӯзбакистон сафар мекунад. Гуфтанист, тибқи нақшаи боздид аз Тоҷӣкистон Клинтон бо президент Эмомалӣ Раҳмон ва вазири корҳои хориҷӣ Ҳамрохон Зарифӣ мулоқот мекунад.Зимни ин нишастҳо масоили мухталифи марбут ба равобити дуҷонибаи Тоҷикистон ва ИМА ва ҳамкориҳои минтақаӣ мавриди баҳсу баррасӣ қарор хоҳад гирифт.

Пас аз ин Ҳилларӣ Родҳэм Клинтон ба Тошканд сафар карда, бо райисҷумҳури Ӯзбакистон Ислом Каримов ва ҳамтои ӯзбакаш- Элёр Ғаниев дидору гуфтугӯ анҷом медиҳад. Бону Клинтон дар он ҷо аз корхонаи "Ҷенерал Моторз Пауертрейн" боздид карда, шурӯъи "Барномаи соҳибкории технологӣ дар Осиёи Марказӣ" ва "Мусобиқаи Техно-Прайз"-ро эълом хоҳад кард.{jathumbnail off}

Мӯҳр