19 окт 2015 15:37Оcиёи Марказӣ / Тоҷикистон

“Барқи тоҷик”: “Лимит” аз 19 октябр ҷорӣ мешавад

Ширкати “Барқи тоҷик” эълон кард, ки аз 19-уми октябри соли равон дар шаҳру навоҳии Тоҷикистон ба истиснои пойтахт маҳдудияти таъминот бо барқ ҷорӣ мешавад.

Дар ин бора ба “Озодагон” имрӯз, 19 октябр Нозирҷон Ёдгорӣ, сухангӯи “Барқи тоҷик” иттилоъ дода, афзуд, ки дар мавриди соатҳои маҳдудияти барқ баъдан иттилоъ дода хоҳад шуд: “Рӯзҳои наздик Муроҷиатномаи ШСХК «Барқи Тоҷик» ба мардуми Тоҷикистон, ба роҳбарони корхонаву муассисаҳо ва воситаҳои ахбори омма нашр ва паҳн мегардад, ки дар он шароиту имконияти таъминоти барқ дар давраи тирамоҳу зимистони имсола пурра тавзеҳ дода мешавад".

"Барқи тоҷик" сабаби ҷорӣ намудани маҳдудиятро сардии ҳаво ва коҳиши ҳаҷми об дар дарёи Вахш арзёбӣ мекунад, чун ба иттилои ин ширкат беш аз 98 фоизи энергияи барқ дар нерӯгоҳҳои барқи обӣ истеҳсол мегардад: "Сабаби дигари ҷорӣ намудани маҳдудият дар он аст, ки сатҳи оби обанбор ҳар қадар дар нуқтаи болотар нигоҳ дошта шавад, зимистон, ки эҳтиёҷи мардум бештар аст, бо барқ беҳтар таъмин карда мешаванд".

Эълон расмии “Барқи тоҷик” дар ҳолест, ки сокинони навоҳии кишвар шикоят доштанд, ки аз 1 октябри соли равон дастрасияшон ба нерӯи барқ маҳдуд гардида, шабона барқ намегиранд.

Дар Тоҷикистон ҳамасола дар фасли сармо маҳдудияти барқ ҷорӣ мешавад, ки одатан аз моҳи октябр то аввали апрел идома мекунад. Ин маҳдудият танҳо ба вилояти Бадахшон дахл надорад, ки сокинони он тақрибан шабонарӯзӣ аз сӯи ширкати “Помир Энержӣ” бо барқ таъмин мешаванд.

Мӯҳр

Хабарҳои монанд:

Хоксор

Айбу шарма донед охир дар 25 сол мардума бо барк таъмин карда наметавонед. Дар Афгонистон,ки 40 сол чанг рафта истодааст,лекин хамаи мардум кариб бо барк таъмин хастанд. Бас аст мардум фиреби

Ҷавоб диҳед Иқтибос Шикоят

Мирзо

Нозирчон Ёдгори хело вакт шуд мо лимит дорем, аммо хохиши мо ин аст, ки субх акалан аз соати 5:30 ё аз 5:00 баркро равшан карда соати 8:00 ё 8:30 хомуш намоянд.Шом бошад аз соати 17:00 равшан кунанд. Чунки дар дехот зиндаги менамоем барои ба кор расидан хело барвакт хестан лозим ва бегох зуд торик мешавад сати 18:00 алакай хело торик мешавад.

Ҷавоб диҳед Иқтибос Шикоят

баркнест

'Танхо дар Бадахшон ки онро ширкати Помир энержи бо барк таъмин менамояд,махдудияти барк нест.'
Хама бебарки аз ширкати 'Барки точик' аст. Баркро 'бизнес' (манбаи даромади муфт) накарда , бояд бо сохтани НОБ(ГЭС) хурду миена кишварро бо барк таъмин кунанд. Кани чаноб Ёдгори гуянд, дар солхои охир бо ибтикори ширкати 'Барки точик' чанд ГЭСи хурд ё миёна сохта шуд? ЯГОНТО.
Ин ширкат баркро 'бизнес' кардан ва махдудкарданро метавонад

Ҷавоб диҳед Иқтибос Шикоят

Шахрванд

Ба таваччухи Барки точик!!! Дастури Шумо нав содир шуд, аммо дар нохияхо (хусусан нохияхои вилояти Хатлон) аз мохи сентябр "лимит" чори шуда буд. Субх аз соати 6 то соати 8 ва шом аз соати 5 то соати 21:30 барк буду халос!...

Ҷавоб диҳед Иқтибос Шикоят

Эзоҳ илова кунед