15 окт 2015 11:32Тоҷикистон / Иқтисодӣ

Парлумон фарзандхониро аз боҷи давлатӣ озод кард

Маҷлиси намояндагони Тоҷикистон, имрӯз, 15 октябр тағйиру иловаҳо ба Қонун дар бораи боҷи давлатиро қабул кард, ки тибқи он фарзандхонӣ бе пардохти боҷи давлатӣ сурат мегирад.

Нуриддин Саид, вазири маориф ва илми Тоҷикистон ҳангоми муаррифии лоиҳа гуфт, тибқи тағйироту иловаҳо афроде, ки барои фарзандхонӣ ба судҳо муроҷиат мекунанд, аз пардохти боҷи давлатӣ озоданд.

Вазири маориф изҳор дошт, ки феълан барои фарзандхонӣ 1756 нафар дар навбат истодаанд. Дар ҳоле, ки ба гуфтаи ӯ дар Суғд 11 ҳазор ятиму бепарастор, Хатлон 14 ҳазор, ноҳияҳои тобеи марказ беш аз 11 ҳазор, Душанбе беш аз 5 ҳазор ва дар Бадахшон зиёда аз 1500 ятиму бепарастор иқомат доранд: “Дар 5 соли охир 3 ҳазору 925 кӯдак аз ятимхонаҳо ба фарзандхонӣ гирифта шудаанд, ки 627 нафарашон ба 9 моҳи соли равон рост меоянд”.

Нуриддин Саид илова намуд, ки соли хониши 2014-2015 шумораи ятимону бепарасторон дар мактаб - интернатҳо 46 ҳазору 218 нафарро ташкил медиҳад, ки ин нисбат ба солҳои пеш камтар мебошад.

Мӯҳр

Хабарҳои монанд:

Умед

Бисёр кори савоб шуд. Бовар кунед хуччатгузори вобаста ба фарзандхони аз хуччатгузории хариди хона ва мошин мушкил гаштааст.

Ҷавоб диҳед Иқтибос Шикоят

Шохрух

Мухтарам вазир!!! Мактабхои миенаро низ аз назар мегузарондед хуб мешуд.Мо кариб 10 нафар гаштем бекор дар ватан дипломхо дар таги сандук!!Илтимос муаллимони мактабхои миенаро аз аттестация мегузарондед чунки 60%шон маьлумоти миена тохатто надоранд.40%-и дигараш кайхо ба нафака баромадаги лекин чои корро аз даст намедиханд..ба мудирияти мактаб мурочиат мекуни мегуянд чои кор нест!! Охир набошад барои чи хонда маьлумоти оли гирифтем??!! Выездмон махкам аст ки ба Руссия равем.Илтимос маслихат дихед...е шояд сайти вазири маорифро ягон кас медонад..

Ҷавоб диҳед Иқтибос Шикоят

Эзоҳ илова кунед