14 окт 2015 16:51Тоҷикистон / Сиёсат / Тема дня

WEF: Судҳои тоҷик мустақилтарин дар ИДМ мебошанд

Анҷумани ҷаҳонии иқтисодӣ - WEF дар гузориши ҷадидаш оид ба рақобатпазирӣ барои солҳои 2015-2016 мустақилияти судҳо дар 140 кишвари ҷаҳонро баҳогузорӣ карда, судҳои Тоҷикистонро мустақилтарин дар қаламрави Иттиҳоди давлатҳои мустақил хондааст.

Ин Анҷуман таъсири ҳукумат, шахсони алоҳида ва ширкатҳоро ба ҳокимияти судӣ аз 1 то 7 хол баҳо дода, Тоҷикистонро бо 4,09 хол миёни 140 кишвари дунё дар мақоми 58-ум ҷой додааст. Тибқи баҳогузории WEF 1 хол нишонаи пойбандии кул ва 7 хол нишонаи мустақилияти комил буда, холҳои Тоҷикистон аз 3,59-и соли гузашта, имсол то ба 4,09 афзоиш ёфтаанд.

Тибқи раддабандии WEF кишварҳои дигари ИДМ аз нигоҳи мустақилияти ҳокимияти судӣ дар пайи Тоҷикистон ҷой гирифтаанд: “Аз ҷумла миёни 140 кишвари ҷаҳон Қазоқистон дар ҷои 72, Озарбойҷон-101, Арманистон106, Русия-108, Қирғизистон-109 ва Украина дар мақоми 132 қарор гирифтаанд”. Мустақилтарин судҳо дар ҷаҳон аз Заландияи Нав, Финляндия, Норвегия ва пойбандтаринашон аз Никарагуа, Бурундӣ ва Венесуело арзёбӣ шудаанд.

Ин гузориш дар ҳолест, ки бархе аз коршиносон ҳокимияти судӣ дар Тоҷикистонро пойбанди мақомоти иҷроия меноманд, ки аз доираи хостаҳои ҳукумат берун намеравад.

Дар акс: Шермуҳаммади Шоҳиён, раиси Суди Олии Тоҷикистон

Мӯҳр

Хабарҳои монанд:

Камол

:) Ин WEF чи гуна ташкилот бошад.

Ҷавоб диҳед Иқтибос Шикоят

Kulobi

nomaqul kardast ki sudhoi Tojikistonro mustaqil medonand zero oditarin masala bedaxolati pasi pardagi hal nameshawad safi mahbusoni siyosi imsol afzud baraks solhoi peshin behtar bud... fahmidan darkor ki in anjuman moli kujost wa maqsadash chist tagi kosa nimkosa... Ozodagon!

Ҷавоб диҳед Иқтибос Шикоят

Илтимос мардумро нахандонед. Казияхои Зайд Саидов ва Шухратберди Кудратов нишон доданд, ки судхои Точикистон фармонбардори хукуматанд.

Ҷавоб диҳед Иқтибос Шикоят

Эзоҳ илова кунед