08 окт 2015 15:53Тоҷикистон / Сиёсат / Тема дня

Падари Бузургмеҳр Ёров: "Воқеаҳои нангини соли 1937 такрор нашавад"

Равшани Ёрмуҳаммад, нависандаи шинохтаи Тоҷикистон ва падари Бузургмеҳр Ёров, вакили боздоштшудаи тоҷик аз Эмомалӣ Раҳмон, раисиҷумҳури кишвар хоҳиш кардааст, кофтукоби бӯстонсарояш аз сӯи кормандони пулисро баррасӣ намояд.

Оқои Ёрмуҳаммад дар аризае унвонии раисиҷумҳур навишта, рӯзи дуюми октябр ҳафт корманди Вазорати корҳои дохилӣ ба бӯстонсарои ӯ омадаву бидуни пешниҳоди ҳуҷҷати лозим онро кофтукоб ва “паспорти техникӣ”-ро бо худ бурдаанд. Вай навиштааст, кормандони пулис гуфтаанд, парвандаи ҷиноятии фарзандаш – Бузургмеҳрро баррасӣ мекунанд: “Онҳо ҳамаи ҳуҷраҳои бустонсароро кофтанд. Ягон асноди марбут ба Ёров Бузургмеҳрро наёфтанд. Дар охир ҳуҷҷати бустонсаро (паспорти техникӣ)-ро бо худ бурданд”.

Дар аризаи ин нависандаи тоҷик, ки нусхаи он ба Додситонии кулл ҳам фиристода шудааст, омадааст, бустонсароро ӯ соли 1987 харида буд. Равшани Ёрмуҳаммад ба бустонсарояш бе иҷозати мақомоти болоӣ даромада ва ҳуҷҷати онро бо худ бурдани кормандони ВКД-ро ҳуқуқвайронкунӣ ва ба худаш таҳқир шумурда афзудааст: “Аз Шумо хоҳишмандам, ки ба ин масъалаҳо таваҷҷуҳ намоед. Боз ба ҷои тоқӣ сарро набаранд. Воқеаҳои нангини соли 1937 такрор нашаванд”.

Мӯҳр

Хабарҳои монанд:

Тупоголовый

Хамин солхои 1937 чи шуда бошад илтимос кадоме медонад нависад..

Ҷавоб диҳед Иқтибос Шикоят

Инсон

Пеши чунин падар барои тарбияи чунин фарзанд сари таъзим фурӯ меорам. Аҳсан барои чунин фарзанд. Марду мардӣ чунин мешавад.

Ҷавоб диҳед Иқтибос Шикоят

Мусофир

Барои ба чои токи сарро набаранд,саводу донишу малака лозим аст.

Ҷавоб диҳед Иқтибос Шикоят

Beaql

Тупоголовый,
Он солҳо се нафар ҷамъ шуда, ҳар касе, ки ба табъи дилашон набуд, фармон бароварда, шаб бурда, дар ягон чуқурӣ мепаронданд. На тафтишот буд, на суду на прокурор.
Умуман, террори халқ аз тарафи ҳукумат буд. Сталинская тройка мегӯянд.

Ҷавоб диҳед Иқтибос Шикоят

точик

Тупой, солхои 1937 млнхо нафар мардуми Шуравиро бо тухмату хатхои "беном" яъне "анонимка" мебурданду 3 нафар суд намуда ба солхои тулони хамчун душмани халку давлат эълон карда тамоми молу колашонро мусодира карда ба хабс равон мекарданд, ё хукми катл дода мепаронданд. Бе ягон суду тафтишот. Чунин ходисаи нанги дар Точикистон низ шуда буд ва чандин фарзандони миллатро нохалафон ба хабс равон карда буданду катл! Лекин баъди марги Сталин хамаи онхо сафед карда шуда буданд ва он нафарорне, ки ба чунин кори нангин даст зада буданд назди конун чавоб дода буданд. Хатто такдири чандин чунин 3 нафарахоро ман хондаам, ки ба балохои бадтарин гирифтор шуда окибат ранги саг ба хорриву азобу шиканча ин хаётро тарк кардаанд.

Ҷавоб диҳед Иқтибос Шикоят

Эзоҳ илова кунед