05 окт 2015 09:24Тоҷикистон / Тема дня

Посухи ВКД ба суоли “кадоме аз наҳзатиҳо ҷазо мегиранду кадомашон не?”

Вазорати умури дохилии Тоҷикистон дар пайи экстремистию террористӣ эълон шудани Ҳизби наҳзати исломӣ эълон кардааст, афроде, ки ихтиёран аз сафи ҳизб хориҷ шуда, баъди манъи фаъолияти ҲНИТ ҳамкориро бо он қатъ кардаанд, ба ҷавобгарии ҷиноятӣ кашида намешаванд.

Ин ниҳод мегӯяд, вақтҳои охир муроҷиати шаҳрвандон ба мақомоти корҳои дохилӣ дар мавриди тақдири собиқ аъзои ҲНИТ зиёд шудааст ва бештар пурсида мешавад, ки оё онҳо ба ҷавобгарӣ кашида мешаванд ё на? ВУД посух додааст, “танҳо шахсоне, ки фаъолияти худро дар ин ҳизб давом медиҳанд, ё аз нав аъзои он мешаванд ва ё сохторҳои нави ҳизбро ташкил карданӣ мешаванд, тибқи қонунгузории Ҷумҳурии Тоҷикистон ба ҷавобарии ҷиноятӣ кашида мешаванд”.

Мақомоти умури дохилӣ дар хитоб ба шахсоне, ки бо худ санади тасдиқкунандаи аъзои ин ҳизбро доранд, изҳор доштааст, ҳуҷҷатҳоро бо пешниҳоди аризаи хориҷ шудан аз ҳизб ба сохторҳои вилоятию шаҳру ноҳиявии Вазорати адлия ва ҳифзи ҳуқуқ супоранд.

Додгоҳи олии Тоҷикистон 29 сентябр бо дархости Додситонии кул Ҳизби наҳзати исломиро экстремистӣ-террористӣ эълон карда, фаъолияташро дар қаламрави кишвар мамнуъ эълон намуд.

Мӯҳр

Хабарҳои монанд:

Хотира

Ҳамин гуна ҳуҷҷатҷамъкуниҳо солҳои 90 ва 91 ҳам муд шуда буд.
ВКД дар асоси чӣ шаҳодатномаҳои наҳзатро меғундорад? Коллексия карданӣ? Ё баъдан аз ауксиён мефурӯшад?
Ҳизб, ки барҳам хурд, ғайриқонунӣ эълон шуд, шахсон метавонанд, ҳар коре ки мехоҳанд бо ҳуҷҷатҳои узвияташон кунанд.

Ҷавоб диҳед Иқтибос Шикоят

Точик

Бо салому дуруд ба тамоми хонандахои мухтарам
Мехостам арза намоям ки ВКД ба косонеки аз ин баъд яъне бади мамнуъ эълон намудани фаъолияти хнит . барои пешрави ва таблиги ин хизб чорае мебинанд хуб мешуд ки нисбаташон чорае дида шавад аммо нисбати касонеки то имруз аъзои катори буданд як лутф мешуд ва дар чамъ авфи умум эълон мешуд аз тарафи раиси чумхур ва ин як нишони вахдату пешрави ин милат мешуд ва бовардорам мардум мимбаъд дигар ба ин кор даст намезананд

Ҷавоб диҳед Иқтибос Шикоят

Эзоҳ илова кунед