02 окт 2015 07:43Тоҷикистон / Иҷтимоӣ

Рӯзи аввали даъват ба артиш. 70 нафар аз Исфара ихтиёрӣ ба аскарӣ рафтаанд

Шаҳри Исфараи вилояти Суғд дар рӯзи аввали даъвати тирамоҳии ҷавонон ба сафи Қувваҳои мусаллаҳи Тоҷикистон 70 тан аз ихтиёриёнро ба хидмати ҳарбӣ гусел кардааст. Дар ин бора ба “Озодагон” аз ҳукумати шаҳри Исфара иттилоъ доданд.

Бино ба хабари манбаъ, ин ҷавонон рӯзи якуми октябр, дар нахустин рӯзи оғози мавсими даъват ихтиёрӣ барои хидмат дар артиш ба комиссариатҳои ҳарбӣ омада ва ба аскарӣ гусел шудаанд. Манбаъ мегӯяд, дар даъвати гузашта шаҳри Исфара 15-20 рӯз пештар аз муҳлати муайяншуда нақшаи давъати ҳарбиро ба анҷом расонида буд: “Гусели барвақти ҷавонон ба сафи Қувваҳои мусаллаҳи кишвар аз корҳои фаҳмондадиҳии масъулин вобастагӣ дорад. Яъне, чӣ гуна Ватанро ҳифз кард, қарзи шаҳврвандии ҳар инсон ва ба монанди инро мефаҳмонанд. Чун шаҳри Исфара корҳои фаҳмондадиҳиро ҳанӯз аз даври мактабхонии ҷавонон оғоз мекунад”.

Эмомалӣ Раҳмон - раисҷумҳури Тоҷикистон, рӯзи 14 сентябр доир ба даъвати тирамоҳии ҷавонон ва хизмати ҳарбӣ фармонеро содир кард, ки дар он аз ҷумла гуфта шудааст, шаҳрвандони солҳои таваллуди 1988-1997-и кишвар ба хизмати ҳарбӣ даъват гарданд: “Моҳҳои октябр-ноябри соли 2015 шаҳрвандони ҷинси марди то рўзи даъват ба синни 18 расида, инчунин шаҳрвандони синну соли калонтари Ҷумҳурии Тоҷикистон, ки ҳуқуқи ба таъхир андохтани мўҳлати даъват ё озод будан аз даъват ба хизмати ҳарбиро надоранд, барои хизмат ба сафи Қувваҳои Мусаллаҳи Ҷумҳурии Тоҷикистон, қўшунҳои сарҳадии Кумитаи давлатии амнияти миллии Ҷумҳурии Тоҷикистон, Гвардияи миллии Ҷумҳурии Тоҷикистон, қўшунҳои дохилии Вазорати корҳои дохилии Ҷумҳурии Тоҷикистон, қўшунҳои мудофиаи граждании Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ва Бригадаи посбоникунандаи Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон даъват карда шаванд”.

Акс аз Интернет

Мӯҳр

Хабарҳои монанд:

Kulob

Сагера бгрез ки аблава сар шид

Сагера бгрез ки аблава сар шид

Ҷавоб диҳед Иқтибос Шикоят

nabi farhor

Офарин ба чавонони ш.Исфара.Барои хар як афсари ихтиёран даъватшуда,хавасманд гардонида мешуд,бисёр хуб буд.Маъошхои афсаронро зиёд мегардонданд,бисёр хуб мешуд.

Ҷавоб диҳед Иқтибос Шикоят

фузайл

ин ҳама ба сабаби он аст ки шумораи шахсони аз Исфара ба Давлати Исломии Ироқу Шом шомил гашта хеле зиёданд, аз ҳамин сабаб волидайн аз тарси ҳамроҳ нашудани фарзандонашон ба сафи ДИИШ онҳоро ба хизмати ҳарбӣ додаанд.

Ҷавоб диҳед Иқтибос Шикоят

фузайл

Посух ба nabi farhor!
Бародари азиз, аз ҳоли имрӯзаи аскаронбехабар будаӣ. Аскарон вақте маошашонро мегиранд ва имзо мекунанд, ҳамин кибаромаданд боз пулро месупоранд. Маошро агар зиёд ҳам намоянд, ба буҷаи давлат зарар мерасад, чун пулро ҳарбиён мегиранд.Ҳоло аз бисёр чизҳо бехабарӣ бародар дар интихобот ҳамаашонро оварда мегӯянд ва ки дар варақаҳои интихоботӣ ба ҲХДТ ва Эмомалӣ Раҳмон овоз диҳед. Шояд шумо инро овозаҳои мардумӣ шуморед, не, инро ман худам аз забони аскарони ҳамсинфам шунидам. Ба мисли ҳарбиен мардуми беадаб ва дорои маданияти пастро вонахӯрдаам. Аз волидайн, зан хоҳару бародар дашном медиҳанд,
Адолат, маданият, садоқат дар онҳо вуҷуд надорад. Агар дар хизмат бошед ва хоҳед рухсатӣ гирифта ба хонаатон равед, бе маблағ шуморо ҷавоб нахоҳанд дод, агар ин матлабро ба ҳарбиён гӯӣ рад менамоянд, чунин вонамуд месозанд, ки ин тавр нест. Барои ҳамин ман намехоҳам дар кишвари худамон адои хизмат намоям, аз ин дида дар Россия хизмати ҳарбӣ намуданам беҳтар аст. Шояд шумо гӯед, ки мо танҳо таҳқир менамоем, аммо ин тавр нест. Таҳқир вуҷуд дораду танқид. Таҳқир ин ба маънии паст задан, ҳақир донистан аст барои манфиати худ вале, танқид камбудиҳоро гуфтан аст, паст задан аст, ки одамон ислоҳ шаванд, афсӯс ки шумораи маддоҳону косалесон зиёд шудаанд, инҳо бо мадҳи худ давлатро ба поён мезананд. Ҳукумат низ ҳозир дар атрофи худ ин гуна одамонро ҷамъ намудааст. Ман кафолат дода метавонам, ки ин маддоҳон ҳангоми сар шудани ҷанг ва ё ивазшудани ҳокимият ё фирор менамоянд ва ё боз ба мадҳи ҳокимияти нав мепардозанд. Дидам бисёрашонро дидам вақте ба гуфтани тарҷумаи ҳоли худ мепардозанд хаёл мекунӣ ки онҳо дар ҳақиқат ба гуфтаи худ содиқанд вале, чун амалҳояшонро мебинӣ баъд мефаҳмӣ, ки онон дар ҳақиқат ки ҳастанд‼

Ҷавоб диҳед Иқтибос Шикоят

Эзоҳ илова кунед