01 окт 2015 15:22Тоҷикистон / Сиёсат

Худоҳофизӣ бо Низом Қосим ва истиқбол аз депутати нави парлумон

Парлумони Тоҷикистон, имрӯз, 1 октябр бо Низом Қосим, шоири маъруфи тоҷик, ки аз моҳи марти соли 2010 то ҳол вакили Маҷлиси намояндагон буд, худоҳофизӣ кард.

Шукурҷон Зуҳуров, раиси Маҷлиси намояндагон дар пайи қатъи ваколатҳои вакилии Низом Қосим ӯро ҳамчун яке аз фаъолони парлумон тавсиф карда, дар мақоми нав-раҳбарии Иттифоқи нависандагон ба ӯ муваффақият таманно кард. Низом Қосим тариқи назм бо собиқ ҳамкоронаш худоҳофизӣ карда, аз афроде, ки шояд тайи солҳои фаъолият ранҷондааст, узр хост.

Низом Қосим, барандаи ҷоизаи ба номи Абуабдуллоҳи Рӯдакӣ мебошад, ки моҳи июни соли равон дар курсии раҳбари Иттифоқи нависандагон Меҳмон Бахтиро иваз намуд.

Тавре қаблан аз Ҳизби ҳокими халқӣ-демократӣ ба “Озодагон” иттилоъ доданд, ба ҷои Низом Қосим дар Маҷлиси намояндагон Миралӣ Достиев Гургакович, директори Театри академии опера ва балети ба номи Садриддин Айнӣ вакил хоҳад шуд. Достиев бидуни баргузории интихобот аз рӯйи феҳристи ҷумҳуриявии ин ҳизб вориди парлумон шудааст.

Мӯҳр

Хабарҳои монанд:

адиб

хамин Иттифоки нависандагонро холо хам созмони гайрихукумати гуфтан мумкин аст? Аз бучаи давлат пул мегирад, раисашро "калон" мемонад ва инак барои раис шуданаш аз депутати озод мешавад. Пас кучои хамин созмон гайрихукуматист. Ягон журналисти Озодагон дар бораи манбаъхои молии ИН макола нависад, зур мешавад. Хамчунин хамин саволро пеш гузорад, ки ое онро созмони чамъияти гуфтан мумкин? Бигзор сохтори хукуматиаш расман эълон кунанд, мисли баъзе кишвархо дар назди президент е зертобеи вазорати фарханг

Ҷавоб диҳед Иқтибос Шикоят

Вокеат

Дар Радифи ин андешахои ин бародар гуфтаниям, ки ба тобеяти Вазорати фарханг гузаронидани ин Иттифоки чаьмияти гайри мантик мебошад! Мутаассифона фаьолияти ин Вазорати бонуфуз руз аз руз заиф шуда, дар оянда эхтимолияти аз байн рафтанаш дар назар аст. Шояд вакти он расида бошад, ки масьулини Хукумат нисбати рушд ва нумуи ин сохаи бонуфуз андеша намоянд.

Ҷавоб диҳед Иқтибос Шикоят

Эзоҳ илова кунед